Paglingkuran ang sambayanan (Serve the People) Ito ay salitang napakaraming kahulugan at maaaring gawin sa maraming kaparaanan sa anumang aspeto ng buhay. Maaaring ito ay ang aktibong paglahok sa mga pagkilos ng manggagawa upang patuloy na maipaglaban ang karapatan ng kanyang uri. Maaaring ito ay simpleng pagtulong sa mga dahop na kababayan natin. Pagpapakain sa mga kapuspalad o mga pulubi, pagbibigay ng libreng kaalaman para sa mga hindi nakapag-aral o kaya ay sa pakikibahagi sa charitable institution.
Isa sa mga naging malapit sa aking foundation ay ang Deus Ti Agngina Foundation, Inc. (DEUS TI AGNGINA ay mula sa salitang Ilocano na madalas sambitin sa pagpapasalamat sa Panginoon o Pagpapala ng Panginoon kapag sila ay nakakatanggap ng biyaya o pabor sa sinuman).
Ang DEUS TI AGNGINAay pinamumunuan ng mga taong aktibo sa simbahan at sila ay Non-profit organization. Isa sa mga layunin ay ang pagtulong sa ating mga kapatid na Aeta, partikular sa mga naninirahan sa malapit sa Pinatubo. Nagsisimula pa lamang ang Foundation na ito na maisakatuparang unti-unti ang mabuting layunin ngunit kinakitaan na ng mabilis na aksiyon sa pagpapalaganap ng mabuting gawa. Mabigyan ng pag-aaral lalo ang mga kabataang Aeta, magkaroon ng mapagkakakitaan at ang pagsasaayos ng kanilang kalagayan.
Bagama’t nasa mga unang hakbang pa lamang ang Deus Ti Agngina ay nakahanay na ang mga aktibidad ng pagtulong. Makikita ang magandang pagtanggap ng tribo sa bawat pagbisita ng mga staff. Hindi sila nangingilag dahil alam ng mga kapatid nating Aeta na tunay at walang pag-iimbot ang layunin ng pagtulong. Madami ng hindi magagandang karanasan ang sinapit ng ating mga kapatid dahil hindi lang iilan ang nagsamantala sa kanila. Marami ng taong gumamit sa kanilang pangalan upang ihingi ng tulong sa iba at sa bandang huli ay ang pansariling kapakanan lang namayani at muli ay isaisantabi lang sila kalaunan.
Marami tayong paraan sa pagtulong at paglilingkod sa sambayanan. May mga naglalaan ng panahon at kaalaman at mayroon din sa pamamagitan ng pagtulong sa ibang pangangailangan gaya ng materayl at ispiritwal. Ang DEUS TI AGNGINA ay bukas sa anumang tulong na kaya nating ibahagi at makakaasa ang bawat isa nang ibayong paglilingkod at pagpapala para sa iba.
Sabi nga sa isang kanta “ang pagtulong ng Kristiyano, di lamang sa damdamin, bagkus lalo sa pagsagip sa sinumang kapwa natin.”
Pagpalain po tayo ng Panginoon.
Please contact: deustiagnginafdn@yahoo.com
//
// //
//
// |