Pagpupugay sa iyo …Ka Fidel Castro

 

 

Paano pa naming malilimutan ang nakakaigaya mong ngiti

Ang simple mong pagtango bilang pagbati

Nakapagkit na sa aming alaala ang kulay mong humawa

Sa kulay ng mga pilapil na iyong tinatapakan at sinunog ng araw.

Ilang magsasaka na ba ang inalalayan at tinulungan

Hindi na mabilang…katulad din pananagasa sa ulan

Sa tuwing may rally at naroon ka sa harapan.

Hindi ko alam kung ikaw ay tagasaan

Ang alam ko lang ay bahay mo ang buong gitnang Luzon

Lupain mo ang mga pinitak ng mga magbubukid

Pamilya mo ang bawat isang nagpapala ng lupa

Paminggalan mo ang kanilang paminggalan

Hinga mo ang bawat nilang hinga.

Isa ka sa mga taong lubos naming iginagalang

Pangalan mo pa lang di na malilimutan

Fidel Castro …di ka nga taga Cuba

Dahil anak ka at ama ng lupang sinilangan

Na iyong pinagpala at pinaglingkuran

Hanggang sa huling higit mo ng hininga.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Palitan )

Twitter picture

You are commenting using your Twitter account. Log Out / Palitan )

Facebook photo

You are commenting using your Facebook account. Log Out / Palitan )

Google+ photo

You are commenting using your Google+ account. Log Out / Palitan )

Connecting to %s