Belenismo 2017

Pormal ng binuksan ang taunang Belenismo sa lalawigan ng Tarlac. At narito ang ilang belen na aming napuntahan.

Munisipyo ng Capas

This slideshow requires JavaScript.

GR8 Multipurpose Cooperative

McDonalds Luisita

Robinsons Luisita

SM Tarlac

This slideshow requires JavaScript.

Intellect Building

Citymall

This slideshow requires JavaScript.

at ang lagi ng pinakahihintay…ang Belen ng mga sundalo sa Kampo Heneral Servillano Aquino. Sa taong ito ang tema ay kapayapaan at pagkakaisa lalong lalo na sa Marawi.

This slideshow requires JavaScript.

Hanggang sa susunod na taon!

Araw ng Kababaihan

Muling pagbabahagi…..

women3

women1Hummmm dati kapag ganitong panahon ay kuntodo na ang paghahanda namin ng aking mga kasama sa kumite ng kababaihan para sa nalalapit na “Araw ng kababaihan” o International Women’s Day. Nag-iisip na kami ng mga pautot na maitatagos sa halos 3000 naming miyembro ng unyon. Nandiyan yung design na parang duster o kaya yung women symbol na bilog at me krus, kung saan ay may nakalagay na “Mabuhay ang Araw ng Kababaihan” Marso 8. At isang kulay lang ang aming ginagamit, ang kulay lila o violet na siyang kulay ng kababaihan. (hindi ko na ikukwento kung bakit lila ang kulay hehe medyo sensored e) Ilang taon ding umikot ang buhay ko sa ganoon maliban pa sa pagbibigay ng mga women orientation.

women2Pero ngayon ay isang babaunin ko na lang na alaala ang lahat. Kasabay ng pagreretired ko (early po at di optional hehe) ay kasama na din nitong isinuko ang pagsasaalang alang sa kumite ng kababaihang siya kong hawak noon sa aming unyon.

Madaming kalakip na nakakatuwa at higit sa lahat ay makasunog batok na karanasan ang bawat pagdiriwang namin sa araw na ito. Kung wala kami sa salakot sa Angeles ay nasa sentro kami mismo ng Angeles. At kung malawakan ang rali ay tiyak nasa Mendiola kami kahanay sina Liza Maza.

May masarap na alaala ako sa aleng iyon e, isang alaalang siyang nagpataas ng moral sa akin. Hindi pa siya kongresista nun, siya pa ang Secretary General ng Gabriela at naimbitahan kami sa isang seminar sa isang unibersidad sa QC. Kumbakit kapag naroroon ako sa ganoong pagtitipon, hindi uubrang di ako magsalita at maglahad ng kalagayan ng kababaihan sa aming lalawigan. Ang topic (tandang tanda ko pa) ay malawakang kontraktwalisasyon. Bawat isang representative ay binigyan ng pagkakataong maglahad ng kaugnay na kalagayan. E sa dami ng mga nauna sa akin halos lahat ay nasabi na yata.

women4Pakwela ng konti, hindi ko namamalayang lumalalim na pala ang aking reporting at natutumbok na nito ang maseselang isyung me kaugnayan sa topic. Nagulat na lang ako ng matapos akong magsalita ay isang malakas na palakpak ang aking narinig at binigyan ako ng standing ovation ng mga naroon sa pangunguna ni Ka Lisa. Ang sabi niya ‘Akala ko ba wala ka ng masasabi” sabay lapit at kamay ng mahigpit sa akin.

Wow! sarap ng pakiramdam. Iyon ang iilang pagkakataong mararamdaman mong tama ang iyong mga ginawa. Saan man kami magkasalubong nina Ka Lisa, kahit ngayong di na ako bahagi ng organisasyon ay nararamdaman ko pa din ang init ng kanyang pagbati.

women5Kilala ang aming komite noon, di lang sa central luzon kundi maging sa National. Walang rali na di kami nagtatanghal, aktibo ang lahat ng aking miyembro sa pangangalaga ko. Nasubukan ko maging singer, skit writer, direktor at tagatanghal ng panahong iyon. Malalim ang pagpapahalaga ko sa kababaihan, hindi lang dahil kabilang ako dito, kundi sa maraming mga karahasang buhay na dinaranas ng kababaihan sa buong mundo. Ang opresyon, incest, karahasang sexual, diskriminasyon ay ilan lamang sa mga ito.

Nawala man ako sa organisasyon, di man ako kabilang na sa mga rali, ang tinitiyak ko lang, hindi kailanman mapapagpag ng pananahimik ko ngayon ang lalim ng pagyakap sa simulaing inilaan ko sa kababaihan.

Mabuhay ang Araw ng Kababaihan, Mabuhay ang kababaihan. BOW!

Bicol Escapades Part 1

Late post na ito pero gusto ko pa ding ibahagi…panibagong escapade with some twists nga lang.

First time na nakapagbakasyon ako for almost a week na di nag alala sa trabaho. Pinilit kong makumbinsi ang amerikano kong boss para sa isang linggong pahinga sa Semana Santa.

Ang destinasyon?

Bicol region, mula Naga hanggang Tabaco Albay. Long trip ito kasama ng kaibigan kong si Shio sakay ng kanyang si Tami. Halos 16 na oras ang aming ibiniyahe dahil sa makapal na dagsa ng mga sasakyan. Ang target? Puntahan ang aking mga kaibigang sina Robin at Juliet pati ang buong pamilya at makapag-unwind.

DSCN3477

Siyempre pa, isang mahabang kwentuhan sa pagitan namin ni Shio para mawala ang inip sa biyahe. Nakakatuwa ang Bicol dahil sa disiplinado nitong mga mamamayan. Malilinis ang mga daan at paligid, ang mga puno kahit pa nagroroad widening ay hindi pinuputol gaya ng mga ito…

Road widening

Ang mga simbahan ay halos magkakatabi at sa pagbisita iglesia namin (14 na simbahan) ay walang kahirap hirap na ito ay mabuo.

DSCN3407edit

 

 

DSCN3423edit

Ishare ko lang ang isang pangyayari kaugnay ni San Antonio De Padua, honestly di ako familiar sa mga santo, tumatak lang siya sa akin sa isang masasabing munting himala. Pag-alis pa lang sa condo ng kaibigan ko ay di ko na makita ang aking relo at kahit anong baligtad sa body bag kong hawak ay wala talaga. Pangalawang simbahan ang kay San Antonio de Padua at sa dami ng mga nakasulat patungkol sa kanya ang unang natutukan ng aking mata ay “Retriever of lost things”. Di ko naman yun sineryoso basa lang ako ng basa hanggang sa ng lumabas kami at makita ang mga violet na ribbong ibinibenta ng mga naroon sa halagang P100 upang maging fund raising ay nagpasya akong maging kabahagi. Bumili ako ng isa at itinusok sa naroon Krus na tusukan ng nabiling mga ribbon.

Violet Ribbon for donation

Cross for the violet ribbons

Cross for the violet ribbons

Pagbaba ko ng hagdan upang sumakay na kay Tami at buksan ko ang dala kong body bag…tumayo ang aking mga balahibo dahil naroon sa ibabaw ang nawawala kong relo…di ko natiis na di banggitin ang bagay na iyon kay Shio at sinabi niyang ang aga kong nakatanggap ng blessing at si San Antonio de Padua daw ang aking santo.

St. Anthony De Padua

St. Anthony De Padua

Isa yun sa di ko malilimutang bahagi ng masaya at nakakaaliw na bakasyon.

Samahan ninyo ako sa ikalawang kabanata.