Maging Carbon Neutral Blog

blog for a cause

May isang nag-anyaya sa akin mula sa isang bisita sa aking English blog na Redfieryheart. Nabasa daw niya ang aking ipinost na tungkol sa Global warming. Tiningnan ko ang ibinigay niyang site at naengganyo akong tanggapin ang kanyang alok.

Kapag yung kanilang button ay nakita sa ating blog sila ay magtatanim ng isang puno para maneutralize ang carbon na nagamit ng ating blog lalo na kapag maraming hits ang blog natin.

Wala akong nakitang masama, in fact makakatulong pa nga sa ating kalikasan, wala naman silang ibinebentang kung ano sa kanilang site para palakasin ito.

Narito ang ilang regulasyon sa kanilang paanyaya:

  1. Ilagay lang ang button nila sa alinmang bahagi ng blog, itaas man o sidebar.
  2. Gumawa lang ng blog tungkol sa paanyaya at
  3. Mag-email sa carbonneutral@stockdisplays.co.uk
  4. At kapag nakita na nila ang button ay magtatanim na sila ng puno.
  5. Ipaaabot din sa pamamagitan ng pag-eemail kapag naitanim na ang puno.

Kaya bakit nga di natin ilagay ang kapirasong button na ito, tiyak naman me paglalagyan pa ito sa atin mga blog.

Narito ang link ng kanilang button:

<a href=”http://www.stockdisplays.co.uk/carbon-neutral-blogs/”&gt; <img border=”0″ width=”125″ height=”130″ src=”http://www.stockdisplays.co.uk/carbon-neutral-blogs/wp-content/uploads/2010/08/C+Blog_Button2-copy.png&#8221; title=”This blog is carbon neutral!” alt=”Get Carbon Neutral With Stock Displays” /> </a>

Halina at gawing carbon neutral ang ating blog.

Let’s blog for a cause!

Pagpawi sa pagod na mata

Eye tirednessSa ilang taon kong pagkababad sa computer lalo ngayong working at home online job ako, grabe ang pagod na nararamdaman ko sa aking mata. Walang araw na hindi ako nakaharap sa computer kahit pa nga day off ko.

Hindi mapigilan dala na din ni “Nathan” (nathanda na hahaha) e aabutin nating lumabo ang mata. Napansin ko ang mabilis ang paglabo at ngayon ay nangangailangan ng magsalamim sa pagharap sa computer.

Hala, awat na sa mahabang palabok. Sa madaling salita inaabot kong parang laging inaantok at kung pwede nga lang ay nakapikit ang mata kong nakikipag-usap o kumakain para mapahinga ito. Sa wakas naisipan kong magresearch kung paano maiibsan ang labis na pagkapagod ng mata at narito ang aking natuklasan.

Paalala nga lang na marami sa mga ito ay di ko pa nasubukan ang bisa, isa pa lang actually ang sinubok ko at mukhang satisfied ako sa resulta. Ibabahagi ko lang itong iba para maging opsiyon ng me katulad na problema sa akin.

Tips kapag mayroong eyebags

  • KutsaraPaggamit ng kutsara – walang kagastos-gastos dahil sinisiguro kong lahat tayo ay me kutsara sa bahay. Maglagay ng 2 kutsara sa freezer (o itubog sa tubig na me yelo kung walang ref) at kapag natantiya na malamig na ay kunin ito at ilagay sa ilalim ng mata para sa dagliang pagkawala ng eyebags. Huwag ipi-freeze ang kutsara.
  • Kumuha ng bulak at ilubog sa tinimplang tsaa. Ilagay ito sa mata ng ilang sandali.
  • Kumuha ng bulak at ilubog sa malamig na gatas. Ilagay ito sa mata ng ilang sandali.

Tips sa pagkapawi ng pagod ng mata

  • Makakatulong ang madalas na paghuhugas ng mata gamit ang malamig na tubig. Batid kong marami pa din ang mayroong agam-agam na gawin ito dahil sa takot nating “mapasma” ngunit ito ay subok na. Isipin na lang natin na ang mga player nga matapos ang nakakapagod na laro ay diretsong naliligo di ba?
  • Kung me lavender oil kayo ay patakan ang tubig ng ilang patak saka itubog ang bulak at ilagay sa ibabaw ng talukap ng mata.

strawberry

  • Kung me strawberry kayo sa bahay ay ilagay ito sa ref at kapag malamig na ay ilagay sa ibabaw ng talukap ng mata. Mainam ito sa pagod na mata.
  • Sa 2 tasang pinakuluang tubig ay maglagay ng kaunting boric acid. Kapag lumamig na ay gamitin itong panghugas ng mata para sa dagliang ginhawa.

cucumber

  • Ngunit sa lahat ng nabanggit, ang tanging sinubukan ko pa lang (at katatapos ko lang gawin bago isulat ito) ay ang pipino. Parang icon na ito noon pa man, dalawang hiwa sa magkabilang mata habang nagbibeauty rest ang mga artista. Pero di ko akalaing mapabilib ako.

Lagi akong me pipino (cucumber) sa ref dahil ginagawa kong alternative sa almusal o kaya ay dinner kapag nagugutom ako. Nang mabasa ko uli ang tungkol dito ay naisipan ko ngang subukan. Kanina ay parang gusto ko ng pumikit dahil sa pagod ng mata, alanganing oras nga lang at madami pang kailangang gawin. Humiwa ako ng 2 piraso at habang nakaupo dito ay inilagay sa ibabaw ng mata. Tinakpan ko din ng mejo dark na panyo para marelax lalo at di masilaw sa ilaw. Ramdam ko ang pagsingaw ng malamig na bagay galing sa malamig na pipino. Mahigit sampung minuto siguro sa ganoong posisyon, nakikinig lang ako ng TV.

Nang alisin ko ang pipino, medyo nagduda ako kasi malabo ang tingin ko. Kahit anong exercise ng mata ang gawin ko aba ayaw luminaw. Pero saglit lang pala yun. Nang magbalik ang linaw ng tingin ko ay refresh na refresh ang pakiramdam ko. Galing pala talaga!

Kaya sa lahat ng nabanggit ko , sa wonder pipino pa din ako J.

Subukan din ninyo.

Ang epidemya pagkatapos ng baha

Napalaking perwisyo na ang naidulot sa kabuhayan at mismong buhay nating mga Pilipino ang nagdaang 2 bagyo. Ang Ondoy at Pepeng. Ngayon ay may karugtong pa ito para sa mga biktima, ang epidemyang LEPTOSPIROSIS.

rat

Ang leptospirosis ay isang delikadong sakit na nakukuha sa inpeksiyong dala ng ihi ng isang infected animal na gaya ng daga. Maaaring sa pagkalunok ng tubig na kontaminado ng impeksiyon o kahit ng pagpasok nito sa bukas na sugat.

ondoy-disasterIlan sa mga simtomas ng sakit na ito ang lagnat, panghihina ng katawan, pananakit ng mga kalamnan at pantal. Kapag di naagapan, ito ay maaaring humantong sa kumplikasyon ng bato, atay at brain damage at maging sanhi ng kamatayan.

Sa Metro Manila lang ay may naiulat ng 2,158 na nahospital sa buwan lamang ng Oktubre at nasa 137 na rito ang namamatay. Mahigit sa isang daan na ang naitalang may ganitong sakit sa Ilocos region, at nasa 40 na ang namatay. Dahil dito ay idineklara na  ang leptospirosis outbreak sa lalawigang ito.

Hindi pa tapos ang kalbaryo, patuloy pa ding nag-iiwan ng pangit na marka sa mga nasalanta.