Verification sa Paypal gamit ang oDesk card

Sa mga nasa homebased jobs isang napakahalagang aspeto ang ma-verified ang account natin sa Paypal dahil madalas ay ito ang ginagawang daan ng mga employer o buyer natin para tayo ay mabayaran. Hindi madali ang magpaverify ng account sa Paypal lalo kung wala kang credit card, na madalas sa atin ay wala nga.

Narito ang isang paraan na ang gagamitin natin ay ang oDesk card na maaaring irequest sa oDesk.com kung tayo ay isa ng miyembro.

1. Dapat ang oDesk card ay may laman kahit $2 lang dahil me kukuning bayad ang Paypal na mahigit sa $1.

2. Gumawa ng account sa Paypal.

3. Gamitin ang oDesk card ninyo upang maverify sa Paypal.

4. Sundan ang habilin mula Paypal at hintayin ang inyong code na makikita sa inyong Payoneer account (kung saan ang oDesk Card ay doon naka assign)

5. Mag log sa Payoneer.com at tingnan ang “View Transaction” na makikita sa gawing kaliwa.

6. Makikita mo ang 4 na digit na Paypal code sa ilalim ng “Merchant name”

7. Muling bumalik sa Paypal at i click ang “Insert Paypal Code”

8. Ilagay ang Paypal code at maaari ka ng maverify.

Kung magkakaroon pa ng problema sa inyong verification, pansamantala ay maaari kayong matulungan ng Paymanila.com. Marami silang alam na solusyon sa problemang kaugnay ng Paypal at verification nito.

Narito ang kanilang email address: paymanila@yahoo.com.

Para sa mga kaugnay na usapin basahin lamang ang mga sumusunod:

Advantage and Disadvantage of Homebased Jobs

Ano ang Magandang Paraan sa Pagkuha ng Bayad sa Employer

Hanapbuhay para sa mga inang nasa bahay


Natanggal ka ba sa trabaho?

jobless1Mula ng huling kwarto ng nagdaang taon dito sa Pinas e wala ka nang maririnig, mababasa o mapapanood kundi ang malawakang tanggalan ng trabaho di lang dito sa atin kundi maging sa mga OFW. Nakakanerbiyos at nakakapanlumo totoo yan, pero meron akong ibabahagi at natalakay ko naman na din dito yung tungkol sa pwedeng gawing alternatibong gawain. Marami sa atin ang maraming mga nakatagong kakayahang di natin malinang o madalas di natin alam na taglay natin.

Online jobs ang isa sa in demand na gawain ngayon. In the comfort of your own home and family. Anu-ano ba ang mga hinahanap ng employer? Mostly ay writing at mga internet o computer related jobs. Writing ba kamo? e hindi ko linya yan e. Maaring marinig ko sa inyo ngayon yan pero kahit ako ay di ko akalaing iyan ang kahahantungan ko. Article writing, blog writing, data encoding at marami pang iba. Bakit ako napasok dito? una dahil wala akong trabaho at sayang yung bayad ko sa internet. Ikalawa ay gusto kong gawing hamon ang lahat.

joblessAlam ko marami sa inyo dito ang nakapag-aral ng di lang high school, kung ganoon ay bakit kayo matatakot? Ituturo naman ng employer ang inyong gagawin anuman iyon at imposibleng di niyo matutunan kung nakafocus kayo. Wag kayong matakot sa challenge, kasi mga kapatid nandito ako ngayon pero di ako nakatungtong ng college. Lakas lang ng loob at buhay na ulo wika nga ng matatanda ang nasa akin, ayoko kasing maging dalahin ng aking ina, at nasanay na ako na sa edad na 16 ay nagtatatrabaho na. Kung ako ay lumalaban, bakitdi kayong mga nakapagg-aral di ba? Kung kayo ko bakit di niyo kakayanin? Dumaan din ako sa kaba ng pagsisimula pero ang daling nalampasan at ngayon ay me self-confidence na akong lalong tumibay.

jobless2Gusto ko kayong hamunin, iyong mga walang maaplayang trabaho ngayon. 2 ang boss ko dahil parehong part time lang ang trabaho ko pero sasabihin kong higit na mataas, doble o triple pa yung iba sa minimum wage. 5 araw sa isang linggo. Kapag nakatagpo ka pa ng among galante e solve ka hehe. Nagulat na lang ako sa natanggap ko mula sa aking boss ngayon. Higit na malaki ang ibinayad niya kesa sa aming pinag-usapan. Di natin kailangang pumila, mamasahe, magbihis at magpaganda at magpabango para lang mag-apply. Kung sa bestjobsph.com kayo mag-aapply o magpapasa ng resume, ang mga naghahanap ang lalapit sa inyo at mag-ooffer. At kayo na ang mamimili kung sino ang magiging amo niyo. Nariyan pa din ang oDesk.com na isang lehitimong outsourcing company. Balikan na lang ninyo ang aking blog kaugnay ng homebased jobs at mga paalala. Sana makasama ko din kayo sa ganitong gawain dahil napakalaki pa ng demands. Isang mapaghamong araw sa lahat.

Pakibasa ang Advantage at disadvantage ng homebased jobs

Finding homebased jobs through odesk

Advantage and Disadvantage of Homebased Jobs

Habang dumarami ang tanggalan ay lalo namang tumitindi ang pangangailangan sa homebased jobs o outsourcing. Ito ang mga trabahong kinukuha sa ibang bansa para tugunan ang pangangailangan ng mga empleyado sa pamamagitan ng online jobs (virtual jobs).

Kanino beneficial ang iskemang ito?

Sa panig ng mga naghahanap ng empleyado o tawagin nating mga ‘boss’, ito ay benepisyal sa kanila dahil sa mga sumusunod na punto:

1. HIndi na nila kailangang mag-expand ng opisina o magrenta ng isang mas malaking lugar para maaccomodate yung mga dagdag na taong kailangan nila.

2. Hindi na kailangang bumili ng mga gamit gaya ng computer, mesa at iba pa at magbayad ng extra para sa kuryente etc.

3. Magbayad para sa benepisyong gaya ng mga vacation leaves, sick leaves, faternity at maternity leaves at kung anu-ano pang leaves ng isang aktuwal na manggagawa.

4. Wala silang imemaintain at tatapatang Social Security System at mga retirement o resignation benefit.

5. Kaya nilang baratin yung mga kukuning virtual na manggagawa. Halimbawa ay $10 per hour sa bansa nila ang bayaran, dito sa outsourcing ay maaaring makuha sa $3 o mas mababa pa sa parehong output o mas mataas pa.

Sa panig naman ng mga naghahanap ng homebased jobs o tatawagin nating provider, ito ang mga beneficial sa outsourcing:

1. Malaya kang magtrabaho sa comfort ng bahay mo. Sabi ko nga kahit na kagigising mo pa lang at dehins ka na naggoli at nagtutbras e pede ka ng magwork (pero di po ito base sa experience ko ha wahhhh). Di mo na iisipin yung susuutin mo sa opisina at paano ka mag aayos o magpapaganda pa.

2. Di ka na gigising ng maaga para mag-ayos ng sarili at makipagsiksikan sa mga taong kasabay mong sasakay ng bus araw-araw at sisinghot ng polusyong mula sa mga tambutso at yosi ng mga walang disiplinang kasabay mo sa bus.

3. Saan ka makakakita ng trabaho na pwede mong itaas ang mga paa mo habang nagwowork o kaya e non-stop kang kumain o di kaya naman e maghapon kang nasa harap ng TV but you are still working hehe.

4. Tanggapin na nating kahit pa binabarat tayo ng mga ‘boss’, pero dahil sa dollar ang bayad e mas okay pa din at higit na malaki kesa sa minimum natin dito. Halimbawa sa akin ngayon, binabayaran ako ng boss ko ng $225 sa 30 hours per week na work. Ibig sabihin e 6 na oras sa limang araw lang na trabaho me di bababa sa P10 thou na ako. Magkano ang minimum natin ngayon sa Pilipinas? P7 thou isang buwan sa 8 oras na work at 6 na araw sa isang linggo. Ibabawas pa natin ang gastos sa pamasahe, at pagkain. Siyempre sa bahay kahit ano lang jan pwedeng kainin na di iintindihin kung sisinuhin ka ba ng kasama mo kahit tinapa lang ang ulam. Magkano na lang ang matitira? E kung babae ka at sa department store pa, additional na gastos din ung makeup at stockings ba, siyempre pati cologne.

5. Eto pa ang maganda, sa trabaho dito sa opisina o pabrika, bago mo maiuwi ang iyong kinita e halos kalahati nakuha na ng tax at iba’t-ibang bayarin. Dito sa homebased e neto un, ang tanging maaalis lang e ung processing fee sa dadaanan ng bayad like Paypal o Payoneer o Moneybooker kaya. Maximum of $5 lang un. So okay di ba, tax free hahaha. At malabo pa itong makita ng ating gobyerno para tax-an dahil di niya kayang imonitor ang mga ganitong uri ng work. Di gaya ng nasa call center na  me office kasi.

6. Dito pa sa homebase, maaari kang kumuha ng kahit ilang work hanggang kaya mo (siyempre part time na iba) o kaya e me ibang gagawa para sa iyo. Para bang subcontractual  na ikaw naman ang amo. Pero wag naman niyong gaanong baratin ung makukuha niyo ha, tutal sila naman ang maghihirap sa paggawa.

7. Wala kang boss na laging nasa likuran mo para bantayan ang iyong mga ginagawa. Di ka na maasar sa sipsip mong katrabaho. Hindi ba at ang gaan at masarap ang ganitong working condition?

O ngayon sabihin niyo, aayaw pa ba kayo sa ganitong work? sabi nga sa kapampangan e “seselan na ka mu?” hahaha.

Pero ang gaganda ng patotoo ko no, it is too good to be true. Wala bang negative working homebased? Sa totoo lang e meron din naman pero mas marami ung beneficial talaga. Narito ang ilan:

1. Mag-ingat sa mga among ang daming pangako. Natural na umasa tayo at matuwa sa magandang offer pero maging maingat lang. Laging maliwanag kung paano ang bayaran. Dapat malinaw sa pag-uusap yun at kung paano ba, weeky, bimonthly o monthly. Karapatan nating alamin lahat ng ito kasi dito tayo maniniguro.

2. Me mga ‘boss’ na me kalokohan, baka monthly ang usapan niyong bayaran at tuwang tuwa tayo kasi malaki pero fly by night pala. after a month of hardworking, suma total di ka binayaran. kaya mainam pa din ang weekly, magkalokohan man e isang linggo lang ang iiyakan mong nawalang trabaho.

3. Me mga ‘boss’ na mahigpit masyado, me mga software na ipapagamit to strictly monitor you. Walang problema kung nakaset naman tayo sa ganun. Pero me mga boss na nagbibigay ng flexible time. Basta mabuo lang ung pinag-usapang oras sa isang linggo e okay na at di na need monitoring. Salamat at ang boss ko ngayon ay ganun kaya ganado akong magwork sa kanya.

4. Sa mga sobrang istrikto naman at parang buong kaluluwa na niyo ang binabayaran e nasa atin na lang kung kakayanin pa natin ang ganitong pressure. Mahirap ang buhay sa Pinas pero wag naman sana natin maramdamang para na tayong alipin sa pagwowork.

5. Ito ang pinakamatinding negatibo dito, ang kasiguruhan sa trabaho. Napakadalang kang makakita ng work na magtatagal ng taon, usually mga weeks o months lang at di mo na alam kung saan manggagaling ang susunod mong sweldo. Humihigpit na din ang kompetisyon at marami ng nakakatuklas na handang makipagbaratan ng sahod makuha lang ang work.

6. Hindi gaya ng mga karaniwang empleyado, sa work at home jobs ay walang mga benepisyong gaya ng paid holidays, bonuses, 13th month at hospitalization. Iilan lang ang employer na nag-aalok ng 13th month o paid holidays at kadalasan ay nasa pag-uusap na ninyong dalawa iyon.

Me isang suppose to be employer akong pinrangka the other day e. Nag-email ba naman at ang sabi e bibigyan ako ng $250 a month at dapat e di na ako hahanap iba work sa kanya lang. At me time monitoring pa. Sabi ko, mahirap ang buhay sa Pinas pero di din ako mabubuhay sa ipapasahod mo lalo at di ako hahanap ng part time, akin pa ang computer, internet at kuryente. I decline your offer sir. Yun ang sagot ko. At least maramdaman naman nila ang sentiments ng gaya natin na parang ginagawa naman tayong parang mga aliping sahuran lang. Buti kung makakabuhay ung offer, e hindi naman.

7. Kailangang madisiplina natin ang sarili sa pagwowork homebased.  Kasi magiging subsob na tayo sa harap ng computer at ung galaw ng katawan natin ay limitado na. Maaring maging obese tayo o abutin paglalock ng mga joints. We need to maintain a regular excercise habit. Pilitin natin kundi gustong tamaan agad ng arthritis at iba pang related na sakit and of course to stay our body fit.

8. Hindi gaya ng sa opisina sa labas, mas madami ang abala at interruption sa homebased job. Nanjan si bunso na mangungulit at need palitan ng diaper. Lunch time na at kailangang pakainin ang mga bata, gumawa ng house chores at iba pa.

9. Lastly, kung sanay tayo sa manual na work at kahalubilo ang madami at iba’t-ibang klase ng tao e maninibago tayo dito. Maaring maging monotonous at mainip tayo sa maghapong computer lang ang kaulayaw. So, take a walk and  wag kalimutan ang social life para di mabagot.

Me pahabol ang kaibigan kong si Tuesday. Galing sa kanya ang tips na ito.

Add ko lang na sa bestjobs you also have to be selective when choosing an employer. Any offer that sounds too good to be true (”Earn 1000 dollars/wk”), or asks for a joining fee is a scam.

1. check their email address (google it)
2. check their postal address as well.
3. don’t accept jobs with too little pay.
A $1/hr rate is really not fair anymore in this economy.
4. employers that are too ’strict’ and ask you to
NOT work for anybody else. Kaya nga freelancer walang boss!

Thanks for the wonderful tips Tues.

Next topic po e kung paano mag-apply sa homebased job.

Para sa mga kaugnay na usapin basahin lamang ang mga sumusunod:

Ano ang Magandang Paraan sa Pagkuha ng Bayad sa Employer

Hanapbuhay para sa mga inang nasa bahay

Verification sa Paypal gamit ang oDesk card

Bangon Pinoy!

Ito ay isang slogan ng isang party list kundi ako nagkakamali. Hihiramin ko lang upang magsilbing inspirasyon naman sa makatotohanang paraan.

Sa tuwing ako ay manonood ng balita, para bang ako ay napapraning na (paranoid) gawa ba ng mula noong huling quarter ng nakaraang taon ay puro tanggalan na sa trabaho ang ibinabalita. Nakakaalarma sa isang punto na ang dating sulingan ng ating mga kababayang walang trabaho dito ay ang pagpunta sa ibang bansa, pero hindi ba’t pati sila ngayon ay di na din pinaligtas ng krisis pang-ekonomiya ng buong mundo. Di pa man nababawi ang perang ginastos at di pa natutubos ang pagkakasangla ng bukiring nagamit sa pag-alis ay eto at pauwi na sila. Ang iba pa nga ay di na nagawang sumahod at ilang buwang ginawang alipin na di sinasahuran.

iwsMahigit sa 20 taon din akong nagtrabaho sa pabrika, 3 kompanya na sa 2 ay tumagal ng mahigit sa 10 taon. Ang pagkakaalis ko sa una ay gawa ng krisis sa ‘Liberalisasyon’ kung saan nagdagsaan ang mga murang imported na tela at pinatay ang lokal na industriya. Sa huli naman ay ibinunga na lang ng pagkabagot. Ang IWS ay isa kundi man pinakamalaking kumpanyang dayuhan sa buong Central Luzon, ito ay makikita sa Luisita Industrial Park na ‘pag-aari’ ng mga Cojuangco. Noong bago ako umalis 2 taon na ang nakakaraan, ay larawan pa ito ng isang matikas at matatag na kumpanya. Mga wiring harness ng iba’t -ibang sasakyan ang produkto dito. Nasa 7 libo na ang manggagawa dun ng panahong iyon at halos kalahati ay mga kontraktuwal.

Ngayon ay hindi na maganda ang kundisyon dito, ang direktang pamumuno na ng mga hapon at hagupit ng krisis ay nagtulong upang ito ay halos malugmok. Me mga panahong 2 hanggang 3 araw na trabaho na lang ang naibibigay sa kanila maliban pa sa madalas na schedule leave ng 1 o 2 linggo.

Sa iba kung susuriin ay di praktikal ang ginawa ko, bakit nga ba at mataas na din ang sahod ko nun (wag lang titingnan ang neto), ngunit para sa mga taong ang mahalaga ay kasiyahan ng loob sa bawat ginagawa, alam kong naiintindihan ninyo ako. Ayokong abutin ng uugod-ugod na nakikipagpingkian pa din ng lakas sa mga bata. Ang trabaho doon ay puro manual kaya madami sa mga manggagawa ay me mga sakit na sa batang edad sa sobrang pagod.

At ang sabi sa akin ng mga dating kasamahan ay mapalad daw akong nauna na sa kanila dahil naiakma ko na ang buhay na wala ang IWS. Sila ngayon ay hirap humanap ng sideline dahil anumang oras ay maaaari silang ipatawag kapag may gawa. At totoo naman, higit akong mapalad sa kanila

Marahil ay itatanong ninyo ano ang aking naging fallback? Hindi ako nakatungtong ng kolehiyo, bago ako umalis sa IWS ay nag-aral ako ng Medical Transriptionist sa pag-aakalang ito ang magbibigay daan upang ako ay magkatrabaho sa bahay lang (homebase) iyan kasi ang pangako ng kursong iyon at kaming lahat ay naganyak. Napasok naman ako bilang MT sa isang pribadong doktor, ngunit 5 buwan lang ang aking itinagal dahil sa di magandang mood ng aking boss. Inenjoy ko muna ang sarili ko sa isang panahon ng pakikipag-chat at kung anu-ano lang na maaaring gawin sa internet. Hanggang isang araw ay nagkrus ang landas namin ni Lhony dahil sa isang seminar para sa homebase call center job. Natapos namin pareho ang online na orientation ngunit di namin itinuloy. Si Lhony ang nag-introduce sa akin ng oDesk, isang kumpanya ng online outsourcing at isa sa pinakamalaki sa buong mundo. Ipinasa ko ang mga kailangang exam at pagkatapos ng 2 linggo ay me kumuha na sa akin bilang quiz writer. Wala akong ideya sa ganitong trabaho, ni wala sa hinagap kong ang pagsusulat ang aking magiging hanapbuhay, ngunit dahil desidido, ako ang naging pinakamasugid na quizwriter sa boredquiz.com.

Ngunit kahit ito ay hinagupit din ng krisis, nagsimulang malimitahan ang mga ginagawa naming topic at ibinaba ang aking dating bayad. Walang magawa kundi kagatin pa din kesa wala. Dito ko nakilala si Tuesday na siya namang nag-introduce sa bestjobsph.com at dun ako nakita ng aking bagong boss.

Ano ang punto ko dito? alam ko na madaming nakatapos ang di makakita ng trabaho o ayaw sa trabahong iniaalok sa kanila. Pero sa krisis ngayon, ang outsourcing ang isa sa maaaring fallback. Huwag nating sabihing di natin linya ang pagsusulat, higit kaninuman, ang mga Pilipino pa din ang higit na me kakayahang gumawa nito kaysa sa ibang kanugnog nating bansa. Huwag nating sayangin ang pagkakataong maaari tayong kumita sa comfort ng ating bahay lang.

tatalakayin ko sa mga susunod na blog ang tungkol sa homebase job. Ayoko lang mabagot kayo sa haba ng kwento ko.

Araw ng mga Puso

valentines2Araw ng mga Puso o mas kilala bilang Valentine’s Day ay ipinagdiriwang tuwing ika-14 ng Pebrero. Maraming mga bansa ang nakikiisa sa pagdiriwang ng romantikong araw na ito.

Saan nga ba nagmula ang pagdiriwang ng Valentine’s Day? Marami ng nagpasalin-saling kwento hinggil dito, 3 ang kinikilalang St.Valentine at ito ay kasing tagal na ng 270 A.D. Sa pagitan ng pagtutunggali ng isang mabait na pari at ng isang malupit na lider ng panahong iyon. May pagdiriwang ang mga ‘Pagano’ para sa pagdiriwang ng “Fertility’ tuwing ika 15 ng Pebrero at noong 496 A.D., si Pope Gelasius ay gumawa ng paraan na ma-divert ang pagdiriwang na ito. Itinakda niya ang Pebrero 14 para sa kapistahan ng martir na Romanong paring si St. Valentine. Sa katotohanan, ang araw na ito ay ang araw ng libing ni St. Valentine.

valchocoKapag ganitong araw ang mga bulaklak lalong lalo na ang mga rosas ay napakabili, bumabaha ng chocolate maging ng mga greeting cards. Di lang magsing -irog ang nagbabatian kundi maging ang mga magkakaibigan na din.

Ngunit paano nga ba magdiwang ang taong nahagupit ng krisis? Na bago bumili ng daan-daan  o minsan pa nga ay libo-libong halaga ng bulaklak ay ibibili na lang ng makakain ng pamilya. Pero nga pare at mga mare, wag nating pabayaan na ung pagpapadama ng ating pagmamahal ay mabalaho lang ng kahirapan. Materyal lang ang mga bulaklak, chocolate at cards, ang mahalaga e valrosekasama mo at me bonding kayo ng mahal mo ngayong araw na ito.

E ano kung kornik lang at tubig na malamig ang baon niyo sa park? E ano kung bisikleta at di kotse ang sinasakyan niyo? E ano kung naglalakad lang kayo, ang mahalaga ay masaya kayo at sabihin mang korni para sa iba, E ANO?

Malamang bago niyo mabasa ito e tapos na ang Valentine, pero di naman kailangang tuwing Valentine lang tayo maging romantiko at malambing. Napakaganda na nasasabi at naipapadama natin sa anumang sandali ang pagpapahalaga sa mga taong mahal natin. Ako nga, me morbid ba akong naiisip na baka kinabukasan di na ako magising valentines-41kaya lagi kong sinasabing “I love you” sa aking karelasyon, at least mawala man ako sa mundong ito kinabukasan, ang huling narinig niya mula sa akin ay ang mahal ko siya.