Nasaan ka na?

Oktubre ng taong ito ng humagupit ang bagyong Santi sa Central Luzon. Makikita sa mga larawan ang pinsala sa kalupaan lalong lalo na ang mga puno…sa tagal ng panahon ngayon lang naming naranasan ang 2 hanggang tatlong linggong malawakang brownout….

IMG_20131012_070405

IMG_20131012_071017

IMG_20131012_070604

IMG_20131012_071102

IMG_20131012_073800

Ilang araw lang ang lumipas at ang malakas na lindol naman sa Bohol at Cebu ang napabalita…dito ay lubha nang nakapanlulumo ang larawan ng iniwan nitong pinsala. Mga ari-ariang nasira, mga lumang simbahang parang dinaganan ng isang napakabigat na bagay at hanggang ngayon ay patuloy pa din ang mga aftershock.

Loboc Church 2

before and after bohol churches

Philippines Earthquake   XBM135

bohol 3

Hindi pa nga humihinga sa pagtulong at pag-alalay sa mga biktima heto at isang nakapanggigipuspos na delubyo naman ang tumama na dala ng napakalakas na bagyong “Yolanda”. Isang masamang biro ng kalikasang kumitil ng libo-libong buhay at puminsala sa hindi mo sukat akalaing lawak ng kalupaan.

yolanda 5

yolanda 1
Hindi organisadong galaw ng mga namumuno sa pamahalaan ang nagpaantala sa kanilang pagtulong. Hindi hamak na mabilis pa ang pagkilos ng mediamen at ng mga NGO’s. Ilang mga bansa ang nagpaabot ng pagtulong sa hindi na maarok na halaga ng salapi at mga relief goods ngunit ang ibang lugar ay kailan pa lang naaabot at yung iba ay hindi pa nga.

yolanda 3

yolanda 4
Kay hirap isipin na kung tayo ang lalagay sa katayuan ng mga biktima…nalusaw na ari-arian…nakitil na buhay ng di mabilang na kaanak at hindi man lang nabigyan ng isang marangal na libing…mga nagkalat pa ring bangkay na sa kasalukuyan ay halos naaagnas na at sobrang umaalingasaw…walang mabuting establisimyentong nakatayo ng maayos…walang kalakalan…laganap na sakit…init sa araw at matinding lamig sa gabi…nakapanlulumo…

yolanda Relief 1

yolanda Relief 2

Patuloy na kumilos upang matulungan silang muling makabangon…ang mga pagkain ay pansamantala lang na lunas…marapat na makapagsimula silang muli…hindi madali ngunit bawat tulong na maiaambag natin ay kapalit ng pag-asang magkaroon sila ng maayos na buhay.

Kilos na kasama.

Kung walang yamang maiambag (Treasure) ay maaari namang Talento at Time.
Ikaw kaibigan…ano na ang naiambag mo para sa kanila…?

Photo Credit

Photo Credit

Photo Credit

Photo Credit

Photo Credit

Photo Credit

Photo Credit

Photo Credit

Photo Credit

Photo Credit

Nang Gabing Makita Ko Si Santa Klaus

Taong 1997…

Nang Gabing Makita Ko Si Santa Klaus

Dati ay tuwang-tuwa ako sa kuwento ni tatay

Pasko na naman at darating si Santa Klaus

Magarang pulang damit, puting balbas

Na sakay ng karwaheng hila ng mga usa

May malaking sisidlan ng mga regalo

Para daw sa mga batang mababait.

Umaasam ako noon

Dahil di ba tatay mabait din ako

Sinusunod ko na ang gusto ninyo ni inay

Di ko inaaway ang aking mga kalaro

Pero bakit kahit minsan

Ay hindi ako nabigyan ng regalo.

Bakit ganoon tatay namimili ba si Santa Klaus

Nang bibigyn ng regalo o lugar na pupuntahan?

Dahil kaya sa iskwater tayo nakatira

At gula-gulanit ang aking damit

Hindi na siya tumuloy?

Pero tatay, di ba kagabi ay Noche Buena

Nakita ko rin si Santa Klaus

Hindi nga lang magara ang suot niyang damit

At puti na rin ang balbas sa katandaan

May talukbong na lumang sumbrerong sira

Tulak ang karitong tabingi ang gulong

Kasunod ang mga asong gala

Patungo sa tambakan ng basura.

(hindi inaari ng otor ang larawang nakalakip)

Mendiola

Parang kailan lang ng aking tahakin paroo’t pabalik ang Mendiola

Suot ng luma kong sapatos at dala ang isang bag sa likod

Kasama ng mga manggagawa, magbubukid at mga dalita

Na sumisigaw sa nagbibingi bingihang mga panginoon

Nagbabakasakaling may makarinig kahit suntok sa buwan

Ang mahalaga ay iisang tinig at himig sa pagsigaw ng nais.

Nararamdaman ko pa ang init ng singaw ng higaang semento

Sa gitna ng isinarang kalsada sa ilalim ng bubong na ulap

Mga nananakit na lamang iniuunat gawa ng maghapong  paglalakad

At mga butong nananakit sa pakikipaggiitan at pukpok ng mga militar

Nanunuot pa sa aking ilong ang alimuom

Mula sa ilang oras na pag-ulan at pag-ambon.

Sa tindi ng init ng panahon ay kay sarap maligo

Ang masakit nga lang ay sa buga ng bumbero galing ang tubig

Habol ang hiningang pilit tumatalikod

Para hindi malunod at paglamayan

Mas mainam na ito kesa isalbeyds na lang

O dukutin at di na makita kailanman.

Parang kalian lang ng aking kalakasan

At ito ay ginugol sa pagtakbo sa lansangan

Sa paglusong sa pilapil at bukiring putikan

Upang pag-isahin ang bawat kaisipan

Tanikala’y kalagin sa kamay ng dayuhan

Sa mga mapagsamantala, mga ganid at gahaman.

Ilang panahon na nga palang ang sapatos ko ay di nagagamit

Di na rin ginagasgas ng pagal na paa ang lugar ng Mendiola

Tanging sa mga balita ko na lang nalalaman at nakikita

Sa text ng mga dating kasama na ang iba ay wala na

Ahhh Mendiola…Mendiola bahagi ka ng aking katauhan

Magagawa pa bang kita ay balikan?

(ang larawang nakalakip ay hindi ko inaari)

Ang tulang ito ay aking lahok para sa Saranggola blog awards 4.

Ang Saranggola Blog Awards 2012

ay inilunsad sa pakikipagtulungan ng

Maraming Salamat sa ating mga sponsors :

The Oldest Sky Walker So Far

Kung kayo ay magagawi sa Cebu to visit this place, alam natin na parang kulang ang adventure ngayon dun kapag di ka man lang nakasubok kahit alin sa Crown Regency Hotel and Towers ng Sky Walk, Edge Coaster at ang kinababaliwang Zip line nila.

Noong unang araw na balakin naming subukan ang adventure na ito ay ayaw ng inang ko na sumama at baka di na daw niya kayanin yung lula kaya di namin siya pinilit…but knowing her alam kong kakayanin niya sa kabila ng kanyang edad na 76 y/o, malakas ang loob niya at alam kong magiging highlight un ng kanyang Cebu adventure kaya ng isinama namin siya, di namin ipinaalam na dun kami pupunta at di ko na siya binigyan ng pagkakataong tumutol pa na subukan iyon.

Sky Walk entrance area

 Sky Walk entrance area

Simpleng package lang ang kinuha namin, ang Extreme Sky walk adventure. Ang ride ay P300/each at ang entrance ay P250 kasama na ang isang token mula sa kanila. Para sa gustong subukan ang Edge Coaster ride ito ay P300 din at ang Zip line nila ay P600 naman (labas ang entrance fee). Ang dilemma lang ay di nila pinapayagan ang camera sa loob dahil exclusive sa kanilang photographer lang un at ang bayad ng bawat isang letratong mapili ninyo ay P230 (whew medyo mahal hehe).Hindi mo naman mapayagang di ka kukuha ng kahit isa lang dahil anong saysay ng adventure na ito na wala ka man lang mabitbit na “ibidinsiya”, so ung apat na letratong napili namin ay halos P1000 na din ang halaga.

Bawal ang nakasandals o tsinelas lang pero wag mag-alala, me libreng pagamit ng sapatos pero kailangan lang bumili ng medyas for hygiene purposes.

Tinanong ko kung ilang taon ang pinakamatandang sumubok ng Sky walk adventure at ang sabi ng aming guide ay 75 y/o daw at 2 linggo pa lang ang nakakaraan (di nga lang confirm kung babae o lalaki dahil ibang guide daw ang nag-assist). Natuwa akong labis dahil nalampasan ng inang ko ung record at sa ngayon siya ang pinakamatandang sumubok sa Skywalk adventure.

Game na game din sa posing si mader at kitang-kita ko yung yabang niya at tuwa sa karanasang iyon lalo at may kasamang certificate ito. Tatagal ng hanggang sa 15 minuto ang nasabing adventure hindi dahil sa malayo ang lalakaran kundi dahil sa mga paghinto upang kumuha ng larawan ang photographer. Narito ang ilang kuha mula dito.

Pakiusapan pa para makunan lang ng pics bago ilagay ang harness whew!

Sky Walk Adventure

Astig ni mader hehe sinong magsasabing 76 y/o na siya ha

Sky Walk Adventure

Mana sa ina weeeee

Sky Walk Adventure

Well behave naman ang isang ito

Sky Walk Adventure

Sky Walk Adventure

Sky Walk Adventure

Ibinilin ko sa guide wag na siyang pagpose in ng ganito kasi baka malula kaso siya pa ang nagprisinta wahhhh

Sky Walk Adventure

Sky Walk Adventure

Kayo na ang humusga kung sino ang me genuine na ngiti at ung ngiting pilit hahaha!

Try niyo din ito at tiyak mag-eenjoy kayo…

BTW, ang Sky walk adventure ay nasa 37th floor ng hotel, ang edge coaster naman ay nasa 38 at ang tower to tower zip line ay 42th (top floor).

Cebu Adventure 2012

Hulyo 22-24, 2012 nang kami ay magbakasyon sa  lugar na ito, kasama ang bikoy ko at ang aking bonggang-bonggang ina. Ang unang araw ay ginugol namin sa pamamasyal sa mga pamosong lugar sa Cebu sa tulong ng aming inarkilang sasakyan (P1600 para sa 5 oras na arkila ng kotse kasama na ang pagsundo sa airport). Una naming pinuntahan ay ang ang  Lapu-Lapu shrine, at sumunod ang Heritage Park, Taoist Temple, Magellan’s Cross, Sto. Nino Church at ang Port San Pedro (P30 entrance fee).

Lapu Lapu Shrine

Lapu Lapu Shrine

Lapu-Lapu Shrine

Heritage Park

Heritage Park

Heritage Park

Heritage Park

Taoist Temple

Toist Temple Cebu, Philippines

Taoist Temple Cebu

Taoist Temple Cebu

Taoist Temple Cebu

Magellan’s Cross

Magellan's Cross Cebu

Fort San Pedro

Fort San Pedro

Ang supot na jumpshot ko hehe

Fort San Pedro

Fort San Pedro

Fort San Pedro

Sa pangalawang araw ay sa Sergio Osmenia Sr. Museum lang ang aming destinasyon at pagkatapos kumain sa labas ng lunch ay nagpahinga muna para sa susunod na adventure…ang Sky walk ng Crown Regency Hotel.

Lakwatsa sa Vigan

Umiral na naman ang kakatihan ng mga paa at kasama ang mga fren ko na sina Juliet at husband Robin niya pati na din si Denden, ayun at sumabit kami sa jeep nina Leah at go sa Abra.

After ng birthday celebration ni baby Rose Juliet (anak ni Leah) kinabukasan ay hello Vigan kami.

cute lang kunan ung stage sa Vigan Plaza

Ito ang kahabaan ng World Heritage Site

mukhang sinubok irenovate hanggang sa mapagpasyahang palabasin ang tunay na design ng dingding. Marami pang ganito doon.

Ito ang simbahan sa Old Bell Church

Ang Old Bell Church

Entrada ng Baluarte ni Gob. Chavit Singson

Isa sa malawak na dako ng Baluarte

Ang Albino na sawa in action haha.

Hanggang sa susunod na adventure….

Subic tree top adventure

Naranasan na ba ninyong salubungin ang inyong takot? halimbawa ay makipaglapit saanumang uri ng hayop kahit na may phobia kayo sa mga ito? Pumunta sa matataas na bahagi gayong me takot kayo sa matataas na lugar? Sabi ng eksperto ay ito ang pinakamabisang paraan upang maalpasan natin ang mga takot na iyon, ang harapin ang mga ito.

Ako di sinasadyang natuklasan kong me phobia ako sa bangin, oo nga at kaya kong umakyat sa matataas na lugar pero kapag nakakita na ako ng matarik na babagsakan ay parang nangangalog ang aking tuhod. Marami na akong nakakatawang karanasan kaugnay nito at isa dito ay ng tumawid kami sa ginagawang gusali sa Baguio ilang taon na ang nakakaraan. Lahat ng mga kasama ko ay nagsilakad na parang walang anuman sa gilid ng malalim na hukay samantalang ako ay parang butiking nakadipa lang at hindi na makagalaw.

Naulit ito ng umakyat kami sa bundok ng Arayat ng manggilid kami sa isang malaking tipak ng bato at bangin ang aming maaaring kahulugan.

Subalit magkaganun man sinabi ko sa sarili kong icoconquer ko ang takot na iyon at sasakay ako sa zip line weeeehhhh. Nagkaroon ito ng kaganapan sa Subic ng kami ay magpunta sa Tree Top adventure, isa sa aking pinilahan ay ang Superman ride nila na nagkakahalaga ng P250. Dalawahan ito at ang aking partner ang aking kasama, totoong halos umalpas ang puso ko sa kaba habang nakasabit pa lang ngunit ng mabilis na itong ibininit ay nakalma na din ang aking sarili. Ilang saglit munang nakahinto ito sa dulo kaya kitang kita mo ang tarik ng iyong kinasasabitan bago ka muling ibabalik sa iyong pinagmulan. Ilang segundo lang ito ngunit sapat na para maexperience mo ang superman ride sa zip line at weeeeeeeee kinaya ko din yehey.

Narito ang aming video at inyong tunghayan.