Tara na sa Panagbenga!

Dahil sa napapanahon at nagpapaalala na ang mga followers ko sa FB page na Philippines Gateway, narito ang huling kaganapan ng inyong Dora “ang taong makati ang paa…tara libot na!”

Baguio Flower Festival 2019 o mas kilala bilang Panagbenga

Dahil alanganin na ang oras ng pagdating, nahiya na akong abalahin pa ang mga pamangkin ko para makituloy. Sabi ko sa Burnham Park na lang ako magpapalipas ng gabi. Pero hindi pala ganoon kadali iyon at narito ang ilang paalala kung nais niyong magpalipas ng gabi sa Burnham.

Una, ipinagbabawal ang pagtatayo ng mga tent doon. Mahigpit kasi ang seguridad at naniniguro lang ang otoridad  na walang maaaring gawin sa loob ng tent ang mga bisita. Bawal ang manigarilyo sa pampublikong lugar, iilang lugar lang ang piling maaari niyong panigarilyuhan, P1000 ang multa o isang araw na community service. Kaya kung me mga bata kayong dala e doble paghahanda na lang.

Ikalawa, sobra ang lamig na kahit pa nagsapin na kayo sa lupa e ang hamog naman ang kalaban, mababasa talaga ang inyong higaan kundi ito nakasecure. Dalhin ang mga kakailanganin sa panahong ganito. Akala ko kasi dahil maraming tao e medyo mainit na ang klima doon.

Ikatlo, kundi talaga kayo sanay sa outdoor camping, wag niyo ng isipin pang magpalipas ng gabi o matulog sa park dito. Hindi kayo patutulugin ng klima at yung bawat kaluskos ay dinig na dinig mo pati halos ang hinga ng taong malapit sa iyo.

ikaapat, at siyempre lagi kang alerto sa iyong mga gamit, baka nga ikaw ay maidlip at masalisihan lalo na kung mag isa ka lang at walang makakasama o makapalitang magbantay sa mga gamit niyo.

Ikalima, wag kalimutan ang power bank, walang mapagcha charge an ng mga cellphones dito.

Ikaanim, ihanda ang sarili sa paggamit ng pampublikong palikuran. Bawat gamit ay may bayad depende sa gagawin (na likas naman talaga). Ikunsidera ang lamig ng panahon kaya madadalas ang pagwiwi dito. Maging mahinahon dahil laging mahaba ang pila.

Ikapito, wag akalaing magiging mahaba ang tulog niyo. Ika-3 pa lang ng madaling araw ay umiikot na ang otoridad gamit ang megaphone upang paalisin ang mga sasakyang nakaparada sa daraanan ng Grand Float parade. Gigisingin na kayo upang paghandain sa pupuwestuhan ninyo. Ipapaala ang pagkain ng almusal, baon ng maraming tubig lalo sa mga bata.

Pinili kong sa point of origin ako pumunta at maghintay dahil doon ay makikita mo na ang mga nakaparadang floats, mapipicturan one to sawa at pati ang partisipasyon ng mga kalahok. Madaling araw nga lang kaya madilim dilim pa ang kuha. Gumamit ng mga pandagdag na tulong sa inyong gadget para sa maayos na pagkuha ng mga larawan.

Narito ang ilang highlights ng Grand Floats Parade (big and small floats category)

Kuha ito ng di pa sumisikat ang araw.

This slideshow requires JavaScript.

Narito ang mga kuha ng kasalukuyan ng lumalakad ang parada

This slideshow requires JavaScript.

At siyempre ang street dance participants

This slideshow requires JavaScript.

Huling paalala, ang pagdalo sa ganitong kasayahan ay hindi biro. Kakailanganin talaga ang lakas ng katawan at haba ng pasensiya. Minsan na akong nakadalo sa Sinulog Festival ng Cebu at maikumpara ko lang. Sa Cebu, may mga ginagawa silang tuntungan ng mga manonood hanggang ikatlong patong. Ibig sabihin, ang mga manonood sa Sinulog ay nakaupo sa gilid ng daan na daraanan ng Parada. Hindi nakatayo at nagtutulakan kaya di mo mararamdaman ang ngalay at lahat ay kumportable.

Hindi ganito sa Panagbenga, lahat dito ay nakatayo at kanya kanyang hanap ng pwesto upang makita at makunan ang parada na kadalasang nagreresulta ng gitgitan, tulakan, init ng ulo at kadalasang dukutan at laslasan ng bag. Grabe ang sakit ng aking mga binti, hindi dahil sa pagtayo kundi sa pagpipigil na huwag madala ng mga nagtutulak sa likuran. Hindi ako pwedeng matumba dahil kawawa yung mga may edad na nasa aking harapan. Patang-pata ang aking mga paa pagkatapos ng panonood.

Kaya sa mga di pa nakakaranas manood ng Panagbenga, paghandaan ang lahat ng aking mga paalala.

Hanggang sa muling paggala ni Dora lakwatsera!

Advertisements

Ang Baguio at si Inang

Ginawa ko ng parang tradisyon na hangga’t maaari kahit minsan sa isang taon ay maipasyal ko man lang ang inang ko at ngayong taong ito ay sa Baguio City ko siya dinala kasama ang aming kapatid na panganay upang makapagbonding man lang kaming magkakasama…sabit ang pamangkin kong si Jay hehe.

Kahit alam kong medyo crowded sa mga panahong ito (Dec. 30) ay hindi ako nagpapigil dahil ang hirap humanap ng araw na pwede kaming magkasabay sabay…tali sa pag aalaga ng mga apo ang ate ko at ako naman ay may trabaho.

Sugod Baguio, 4:30 pa lang ng umaga ay nag-aabang na kami ngunit punuan…salamat na lang at maraming bumaba ng Tarlac dito sa Saulog na galing ng Cavite…nakasingit kami bandang 5:30 na.

unang destinasyon…Grotto (Lourdes)…upang makapagpasalamat at siyempre pa piktyur piktyur…

DSCN1729

Gumawa ako ng itinerary para maging maayos at walang malampasang lugar…liligligin namin ang isang araw na pamamasyal kaya ang kasunod…Tam-awan Village. Dito ay may entrance fee na P50 sa adult at P30 sa Senior citizen. Ito ang modelong bahay ng mga Igorot at sa ilang beses na pagpunta ko na dito nakita ko na ang mga pagkakaiba iba at mga nadagdag.

DSCN1763 di alam kung paano magwawacky pose hehe

DSCN1786 Tingnan naman ninyo ang ngiti o di matawaran

DSCN1790

Sarado ang Mary Knoll Ecological Sanctuary sayang…gustong gusto kong makita nila yun pero nataong bakasyon naman at holiday ngayon. After lunch sa usual na lang kami…Minesview…Wright Park at Botanical Garden.

DSCN1812

DSCN1815The penk horse bow!

DSCN1834

GE DIGITAL CAMERAwow sweet!

DSCN1865

Ang huling napuntahan ay ang Bell Church sa Trinidad Benguet.

GE DIGITAL CAMERA

GE DIGITAL CAMERA

Naawat lang kami sa gala ng magsimulang sumakit ang tuhod ni inang e at maiintindihan mo naman dahil sa ilang lakad sa di patag na daan.

Dahil sa peak season ang naging problema pa ay ang siksikang pila ng mga pababa ng karatig probinsiya… sa Victory Liner ay hanggang kinabukasan pa ng hapon ang booking. Kaya kahit na tig P500 ang pamasahe bawat isa ay  pinatos na namin, di ko ipagpapalit ang convenience namin sa isang libong dagdag na pamasahe.

Sana ay maulit pa ng maraming beses ang ganitong bonding habang kaya pa ng mga katawan…hanggang sa muli po…

Isang Positibong Taon sa Lahat

Kay daming nangyari ngayong taon na ito…sa ating bansa…sa ating pamilya. Ito ang taong sabi nga ng boss ko ay napaka stressful sa akin at totoo naman.

Ang makulit kong ate ay pumanaw noong Hunyo 25, sinundan ng aking tiya ilang araw lang ang lumipas (Hunyo 29) sinagasaan kami ng bagyong Santy at nagpadilim sa aming mundo ng dalawang linggo, at di pa man nagtatagal ay ang lindol na tumama sa Cebu at Bohol at di naglipat linggo ay ang mapanalasang bagyong Yolanda naman ang bumayo sa ating mga kababayan sa Kabisayaan…sunod sunod talagang nag-iwan ng di birong pilat sa buhay ng marami…sa buhay naming mag-anak.

Ngayon ay naglipat taon na naman at ito ay gagawin nating taon ng positibong pananaw at patuloy na pasasalamat…simpleng salo-salo lamang pero magkakasama ang buong pamilya…okay na yun wala ng hahanapin pa.

Sana ay makita natin ang maraming magagandang bagay na dumarating sa ating buhay at iyon ang bilangin at hindi ang iilang kapangitan. Huwag tayong mamuhay sa sama ng loob at paghahanap ng kung anu-ano pa…lumingon lang tayo sa paligid at makikita nating higit tayong mapalad kaysa sa iba…hindi tayo ang nawalan ng di mabilang na kapamilya at mga kaibigan…nakatira tayo sa ating mga tahanan…may mga hanapbuhay at kumakain hindi lamang ng tatlong beses isang araw…hindi tayo ang mga kapuspalad na hindi malaman kung saan matutulog pagdating ng gabi at kung kelan muling malalamnan ang ating mga tiyan…alam ko iyon dahil ang malaking pruweba??? Heto at nakakapagbasa tayo ng blog ng iba.

Isang mapagpalang bagong taon po sa lahat…

DSCN1800

Ang ulo ng Leon bow!

Magmula ng maging delikado sa biyahero ang Kennon Road papuntang Baguio, napakadalang ko ng makita ito. Bawal na kasi sa mga bus na dumaan dito at maging sa malalaking truck. Madalas kasi ang landslide dito maliban pa sa mas matatarik at makikitid ang daan dito. Ngunit mas makakatipid ka ng halos kalahating oras kung sa Marcos Hiway o Naguillan Road kayo dadaan.

Si Lhony at ako (pakihula na lang po wahhhh)

Si Lhony at ako (pakihula na lang po wahhhh)

Nang ichat ako ni Lhony at sabihing sila ay pupunta ng Baguio ng kanyang partner na si Marvin, ako na ang nangulit na sumama sa kanila paakyat ng Baguio at doon na lang kami maghiwa-hiwalay. Bakit nga ba hindi ay noon lang kami magkikita ni Lhony. Siya yung tinutukoy kong tumulong sa paggawa ko ng profile sa oDesk at nag-angat ng moral ko hehe. Sabi ko ay magkahuntahan man lang kami habang daan para naman makapag-usap ng personal kahit saglit. Mabuti at pumayag naman si Marvin na isama ako.

hanep sa posing o hehe

hanep sa posing o hehe

Natuwa ako sa dalawang iyon dahil sa dami ng pwedeng pagkwentuhan at sa dami ng karanasan ni Marvin ay hindi naging kainip-inip ang aming byahe. Mabuti at sa Kennon niya piniling dumaan. Namimiss ko na din ang daang iyon. Bagama’t hindi na din mabilang ang pagpunta ko sa Baguio ngunit iilang pagkakataon pa lang na kami ay  madaan doon.

Sinamantala namin ang pagkakataon at nagkodak-kodak ba. Hiniram ko yung MP5 nang pamangkin ko at nakikuha kuha na din. Laking panlulumo ko lang dahil ng isalin ko ito sa computer kahapon, sa di maipaliwanag na dahilan ay hindi nasave at dahil dinelete ko na sa MP5 umasa ako na nasa recycle bin lang ito. at sa aking paghihinagpis, di pala nasasala ang mga daling sa removable disk.

Nandiyan kami promise

Nandiyan kami promise

Lhony at Marvin

Lhony at Marvin

Mabuti na lang at naipadala na ni Lhony yung ilang kuha namin para maibahagi ko naman. Nakarating kami ng Baguio pasado alas-sais na ng gabi. Pagkadaan namin sa Teacher’s Camp upang daanan si Loralie na kaibigan ni Lhony ay nagtuloy na muna kami sa hotel na tutuluyan nina Marvin. Pagkatapos noon ay naghapunan kami sa gilid ng Burnham park at ako ay nagpaalam na. Ayokong maging sagabal pa sa lakad ng dalawa. Alas 9 ng gabi ay pabalik na ako dito sa amin.

Silipin din

Sa tuktok ng Pinatubo