Ang gintong aral kay Chip Tsao

Lumalamig na ang isyu ni Chip Tsao, nauna na rito ay ang paghingi ng paumanhin ng pamunuan ng Hong Kong Magazine ng makita nito ang negatibong reaksiyon ng mga tao, partikular ang mga Filipino. SInabi nitong ang isinulat diumano ni Ginoong Tsao ay isa lamang political satyr na hindi lamang naintindihan ng mga mambabasa.

“The publisher and editors of HK Magazine wish to apologize unreservedly for any offense that may have been caused by Chip Tsao’s column dated March 27.

HK Magazine has long championed the rights of Filipinos working in Hong Kong. We note that Filipinos have often been unfairly treated in Hong Kong, and that they make an important contribution to this community.

As a magazine, we would never want to say anything that would negate that belief, ”  by Asia City Publishing Group (ACPG).

http://hk-magazine.com/feature/war-home

Ngayon, laman ng mga balita ang paghingi mismo ng paumanhin ni Ginoong Tsao sa kanyang isinulat. Hindi daw niya sukat akalaing magiging ganoon ang reaksiyon ng mga Filipino. Pinag-iisipan pa daw ng ating gobyerno kung tatanggapin ang paghingi ni Ginoong Tsao ng paumanhin, ngunit malinaw na nakaban ito sa pagtuntong sa Pilipinas at maging ang pagkuha ng kasambahay na Filipino.

“Chip Tsao issued a public apology Tuesday night, which was aired over ATV’s 7:30 p.m. and 11 p.m. newscasts”

“The ’servant’ is a sacred term. A Hong Kong government official is a civil servant. We are all servants to God, right? I’m now aware that I’ve crossed the line and I offer my public apology,” Tsao was quoted as saying.

Ano ang matinding aral sa nangyaring ito? Unang-una, ang diskriminasyon sa anumang lahi at pagyurak sa pagkatao ng isang mamamayan ay isang sensitibong isyung hindi dapat ginagawang katatawanan. Bilang isang mamamahayag, dapat itong naging napakaingat sa usapin ng diskriminasyon. Ilang beses ng nangyari ang ganito at ilang beses na ding napatunayang tayong mga Pilipino ay hindi basta na lamang mananahimik sa usaping sangkot ang pagyurak sa ating pagkatao, sinasadya man o hindi.

Ang mga tao ay sadyang may tendensiya ng tinatawag na underdog sympathy. Ang simpatya natin sa mga taong biktima ng anumang sirkumstansiya lalong lalo na ng pagmamalabis ay isang natural ng “instinct” nating mga Pilipino. Maraming reaksiyon ang naisulat kong nakaraang blog kaugnay ni Ginoong Tsao, may ilang nagsasabing ito ay hindi dapat na pinapatulan. Maliban sa ilang inedit kong malulutong na mura ay buong laya kong tinanggap ang lahat ng puna, dito man lang ay maipahayag natin at maiparating sa kinauukulan na huwag na huwag gawing isang habit ang mga ganoong biro at pang-aalipusta.

Nawa ay may napulot tayong aral sa nangyaring ito, hindi man para sa atin kundi sa mga taong walang habas magbitaw ng di pinag-iisipang haplit ng salita.

Salamat sa pakikibahagi mga kapatid.

Kumukulo ang dugo ko Mr. Chip Tsao!

Busy ako sa pagsusulat ng biglang may ipinasa ang partner ko na isang sipi at ibablog daw niya. Noong una ay di ko agad nakuha kung bakit umuusok siya sa galit. Nang matapos ako sa aking ginagawa ay ayun nadamay ako sa galit niya. Bakit nga hindi, e isang pagkutya na naman sa ating mga Pilipino ang ginawa ng isa pa namang broadcast journalist na Tsino, Si Chip Tsao.

Mula sa isang mamamahayag at author ng mga libro, hindi mo sukat akalaing me ganito kakitid na pag-iisip ang taong sinasabing intelektwal. Sino ang hindi manggagalaiti sa galit sa abusadong Tsinong ito.

Ang sinulat nito ay lumabas sa HK magazine noong Marso 27. Narito ang buong artikulo ng “The War at Home”.

Malinaw sa pahayag nito kung gaano kababa ang pagtingin niya sa mga kasambahay na Pilipino. Buong kayabangan niyang ibinandera sa buong mundo kung gaano siya kaabusado. Alam niya na kinakapitan ng mahihirap na Pilipino ang pangangamuhan sa buong mundo dahil sa kahirapan at alam niya kung gaano ka “cheap labor” ang dinaranas ng mga OFW natin sa kanila. Ang mga Pilipino ay hindi mga alipin gaya ng pagtrato mo. Kaming mga Pilipino ay mga manggagawang may dignidad. Hindi kami sahurang alipin na gaya ng iniisip mo.

Kumukulo ang dugo ko Mr. Tsao! Alam mo sa sarili mo kung gaano mo pinakikinabangan at pinagkakatiwalaan ang mga Pilipino kaya isa sa amin ang pinili mo. Hindi ka na nahiya para ipangalandakan ang kawalan mo ng urbanidad. Hindi ko lalahatin ang mga kalahi mo dahil alam kong iilan lang ang mga katulad mo at tinitiyak ko na marami ring mga Tsino ang ngayon ay nagagalit sa iyo. at hindi mo kami masisisi.

Napalaki ng reaksiyong nakuha ng artikulong ito sa buong mundo. Hindi ninyo na makikita ang sipi nito sa internet ngunit ipapaloob ko ito dito. Inalis na ito sa orihinal na source.

Kayo na ang humusga, naglalabas lang po ng saloobin ang inyong lingkod.