Pagninilay sa Semana Santa

Nakalilibang ang bilis ng panahon

Parang hinahabol ang bawat mga hakbang

Kanya-kanyang hanap ng mapagkakakitaan

Kanya-kanyang kahig para sa paminggalan.

Paggising sa umaga ano ang una mong naiisip?

Pagkahuli ba sa trabaho o galit ng iyong amo?

Sumagi man lang ba sa iyong alaala

Ang pasasalamat sa bagong umaga?

Kapag masaya ka at may biyaya

Naaalala mong magpasalamat sa Maylikha

O naaalala mo lang siya kapag may problema

At wala nang masising iba?

Ang Panginoon ay kahit saan

Naghihintay lang Siya na ating pag-ukulan

Kahit sana sa simpleng paraan

Sa puso natin Siya ay maramdaman.

Semana Santa ay panahon ng pagninilay

Huminto sandali at silipin nakaraang buhay

Kasama ng Pasasalamat sa Poong Maykapal

Sa lahat ng pagsubok at pagpapalang ibinigay.

Advertisements

Semana Santa ni Juan

Noong di pa gaanong sikat ang pocketbook na tagalog at iilan pa lang ang me telebisyon, komiks ang libangan ng marami at sa me pambili at medyo ibang level ika nga ay ang Liwayway magazine naman. Nakamulatan ko ang Liwayway dahil ang Tiya ko ay mahilig dito noon, kaya tuwing bakasyong nasa kanila ako sa Nueva Ecija ay sandamukal ang Liwayway na pinagtitiyagaan kong basahin.

Noon pa man ay mahilig na ako sa pagkatha ng tula, yun ang pinaka outlet ko noon kasi di ganoon karami ang aking kaibigan (mahiyain pa kunwari kasi ako noon). Ang mga tula sa Liwayway ang isa sa bahaging gustong gusto kong binabasa, malalalim at me kabuluhan. Sabi ko sa sarili ko ay hindi ako titigil hanggang di ako nakakapagpublish ng tula dito. (munting obsesyong pinaghandaan ko hehe).

At hindi ako nabigo, edad 19 ako ng ang isa sa 2 yata o 3 tulang pinadala ko ay nalathala sa Liwayway. Ang presyo pa ng Liwayway noon ay P7 ngayon ay sampung doble na ang halaga nito. Grabe ang tuwa ko nun, parang nanalo ng mini-lotto. May trabaho na ko nun kaya kadami kong binili para lang ipamigay sa aking mga kasamahan. Bagama’t wala itong bayad di gaya ng maikling kwento ay di naging hadlang upang mapasaya nito ang aking kalooban.

At nais kong ibahagi sa inyong lahat ang tulang ito. Tinangka kong kunan sa camera ang sipi ngunit mukhang di mababasa ng maayos kaya isusulat ko na lang at isasama ang background nitong drawing.

SEMANA SANTA NI JUAN

Hayun at ipinako sa krus si Hesussemana-santa-ni-juan1

Ipinako rin si Juan sa kahirapan

Likha ng mga bagong Poncio Pilato

Na nagsisipangilin

Doon sa harap ng bumabahang alak

At sa masasaganang pagkain

Habang si Juan ay tukop ang tiyan

Na kahit di Mahal na Araw

Ay laging nag-aayuno dahil sa gutom

‘Pagkat ang minimum na sweldo’y

Kulang pa sa kanyang anak at asawa

Para sa pagkain sa maghapon.

II

Samantalang ang mga buwaya’y pasasa

Do’n sa pinagpawisan ng manggagawa

Makabagong Mesiyas na palaging  hirap

At lagi na’y nakanganga

Sa kaunting baryang kinita.

Ang naghahangad ng pagbabago’y

Tuluyang nilamon ng buwitre ang laman

Na ang tanging nasabi’y

“Ama bakit mo ako pinabayaan?”

Pagtitika sa Semana Santa

Tuwing sasapit ang semana santa o mahal na araw (Holy week) dito sa Pilipinas ay masasaksihan ang iba’t-ibang kaugaliang hindi pa rin nawawala. Marami sa mga ito ay makikita sa mga lalawigan. Kasama na din dito ang iba’t ibang klaseng pagtitika o penitensiya upang sabi nga ng iba’y makapagbawas ng kasalanan.

YOUNG WOMAN RECEIVES MARK OF ASHESSinisimulan ito sa pagpapahid ng abo sa noo sa araw ng Miyerkules (Ash Wednesday). Ang mga palaspas ng nakaraang taon ay iniipon at sinusunog upang ang abo nito ang ipahid sa noo ng mga dumalo sa misa.

palaspas1Ang opisyal na mahal na araw ay nagsisimula sa Linggo ng Palaspas (Palm Sunday). Dito ay pinabebendisyunan ng mga deboto ang kanilang palaspas. Ang paggawa ng palaspas ay isa rin sa negosyong kumikita sa araw na ito.

pabasaPabasa, ito ang pagbasa ng pasyon na hinihimigan ng iba’t-ibang klaseng tono, binabasa ng mga deboto ng tuloy-tuloy na pakanta ang laman ng pasyon. Dati ay sa iilang himig lamang ito maririnig ngunit sa paglipas ng panahon, makakarinig na rin tayo ng makabagong tono na galing sa mga batang mambabasa ng pasyon.

paspas-likodAng penitensiya sa iba’t-ibang anyo, ang paghahampas ng maliliit na kahoy na pahaba sa likod kung saan naman ito ay hinihiwa ng blade o ng basag na bote. Ginagawa ito na nakatakip ang mukha at me mga taling lubid sa buong katawan, nakayapak habang iniisa-isa ang mga pabasa, pagkatapos ay naliligo sila sa ilog, sapa o irigasyon bilang pagtatapos.

palo-likod na penitensiya

pasang-krusAng pagpasan sa krus. Ito ay literal na pagpapasan ng kahoy na krus. Ginagawa ito hindi lang ng kalalakihang nagtitika kundi maging ng kababaihan din. Kadalasan sila ay nakasuot ng kulay maroon na damit na animo ay replika ng suot ng Kristo. Nakayapak at iniisa-isa din nila ang mga pabasa, kasama ang ilang mga nakaalalay sa paglalakad.

pako-sa-krusAng literal na pagpapapako sa krus. kadalasan sa lalawigan ng Pampanga ito makikita. Taon-taon ay bumabalik at nagpapapako sa krus ang mga deboto bilang panata. Maingat na ipinapako ng mga nakatalagang mamamako ang kanilang kamay upang maiwasan ang mga pinsalang maaaring idulot nito sa deboto.

Philippines Crucifixion

Ang “Bisita Iglesia” ay ginagawa sa araw ng Huwebes Santo at pitong simbahan ang binibisita sa araw na ito upang makinig ng misa.

Kadalasang makikita sa mga pabasa ang iba’t-ibang paninda. Ito ay isang pagkakataong sinasamantala upang kumita kahit paano ang ilan nating mga kababayan.Bibingka, barbecue, halo-halo, pansit palabok, balut at kung anu-ano pa.

moriones

Sa ilang lugar gaya ng Marinduque kung saan ginaganap ang taunang Moriones Festival ay may palabas tuwing Sabado De Gloria na kung saan ay may isang palabas na ipinakikita ang pagputol ng ulo ni Longhino dahil sa pamamalita nito ng muling pagkabuhay ni Kristo.

salubong

Sa araw naman ng Linggo de Ramos o  Easter Sunday, kadalasan ay nagaganap ang “salubong”. Ito ang pagpapang-abot ng Birheng Maria at ni Kristo sa sa isang lugar kung saan ay dinadaluhan ng libo-libong debotong nais saksihan ang pagsasalubong ng banal na Mag-ina.

Samantalang ang ibang “can afford” naman ay sinasamantala ang mahabang bakasyon upang magbakasyon. Kadalasan ay sa mga dagat o malalamig na lugar gaya ng Baguio ang kanilang destinasyon. Anuman ang ating kinabibilangan, kahit saglit lang tayo ay mag-alay ng isang pagbabaliktanaw at pasasalamat sa pagtubos na ginawa ng ating Panginoong Hesukristo. Hindi man Katoliko ang ating relihiyon pero alam natin ang pagsasakripisyong inialay Niya sa atin.

Isang mapagtikang Mahal na araw sa lahat.

Nagawi na ba kayo sa Moriones?

Noong isang araw ay ‘ash Wednesday’ na. Nagsabi ang partner ko na magisisimba daw siya at siyempre umuwi (sa kanila po di dito sa amin hehe) na me krus na abo sa noo. Naalala ko lang noong mga limang taon na din siguro ang nakakaraan ng ako ay magawi sa Marinduque ng mahal na araw. Siyempre sikat iyon sa Moriones Festival at gusto ko din namang masilip kung ano ba meron doon.

unang sakay ko po ng barko ito

unang sakay ko po ng barko ito

Pero sa totoo lang, ang talagang excitement ko e di yung morion, bonus na lang yun, yung pagsakay ko po sa RORO ang highlights ng aking adbentyur dun hehe. Kahit ba 4 na oras lang mula sa Lucena hanggang Marinduque e at least naexperience ko nyahhaha!

tweety-bird606

sagwa ng hilatsa ng mukha hehe

sagwa ng hilatsa ng mukha hehe

Nalibang ako sa piktyur piktyur ng mga nakamaskarang moriones sa aking celfon na 6600. Hala ng panahong iyon ay medyo siga ka na kapag me 6600 kang celfon. Hindi naman ako binigo at kahit paano ay nakapag-uwi ng konting subinir. Maliban sa maskara painting na dinaluhan namin sa halagang P25 meron ka ng kaunting pintura na maaaring magamit sa blankong maskara. Me kontes nun na ang premyo ay mula sa Globe. Well, nasilip naman at nadaanan ng mga judge ung gawa ko pero hindi pumasa hehe. Malay ko ba sa color mixing, basta ang alam ko lang e lagyan ng itsura ang damuhong maskarang iyon.

eto po ung maskara painting

eto po ung maskara painting

ang itsura ng matapos

ang itsura ng matapos

tweety-bird6331

siyempre makikigulo din

siyempre makikigulo din

Ang parada nila ay nakita ko pero ang talagang palabas kung saan me putulan ng ulo (nyayyyy!!) sa plaza ay di ko nakita kasi ay mahirap ang sasakyan sa bayan at me kalayuan doon ang tinutuluyan kong bahay.

ito ang pinakacute na morion na nakita ko wanabet?

ito ang pinakacute na morion na nakita ko wanabet?

kanya po ung maskara ipinagamit lang sa akin hahaha

kanya po ung maskara ipinagamit lang sa akin hahaha

kahit po sa beach ay umiikot din sila

kahit po sa beach ay umiikot din sila

ako at ang Marinduque bow!

ako at ang Marinduque bow!

Kaya magkasya na lang tayo sa pagtingin sa kaunting piktyur.