Human Rights are Women’s Rights

Marso 8 ang Pandaigdigang Araw ng Mga Kababaihan…isang Pagpupugay!

May ibinahagi na akong isang dating post at ngayon ay nais ko lamang magbahagi naman ng ilang gender/women equality “Quotes”.

“I am a feminist. I’ve been female for a long time now. I’d be stupid not to be on my own side.” – Maya Angelou

“A gender-equal society would be one where the word ‘gender’ does not exist: where everyone can be themselves.” – Gloria Steinem

“When God created man and woman, he was thinking, ‘Who shall I give the power to, to give birth to the next human being?’ And God chose woman. And this is the big evidence that women are powerful.” – Malala Yousafzai

“Gender equality is more than a goal in itself. It is a precondition for meeting the challenge of reducing poverty, promoting sustainable development and building good governance.” – Kofi Annan

“We are struggling for a uniting word, but the good news is that we have a uniting movement.” – Emma Watson


“Achieving gender equality requires the engagement of women and men, girls and boys. It is everyone’s responsibility.” – Ban Ki-moon

“Human rights are women’s rights, and women’s rights are human rights.” – Hillary Clinton

“Women’s liberation is the liberation of the feminine in the man and the masculine in the woman.” – Corita Kent

“Excellence is the best deterrent to racism or sexism.” – Oprah Winfrey

“I measure the progress of a community by the degree of progress which women have achieved.” – B. R. Ambedkar

“I write for those women who do not speak, for those who do not have a voice because they were so terrified, because we are taught to respect fear more than ourselves. We’ve been taught that silence would save us, but it won’t.” – Audre Lorde


“One child must never be set above another, even in casual conversation, not to mention in speeches that circle the globe.” – Alice Walker

“Whatever women do, they must do twice as well as men to be thought half as good. Luckily, this is not difficult.” – Charlotte Whitton

“Women, like men, should try to do the impossible. And when they fail, their failure should be a challenge to others.” – Amelia Earhart


“I demanded more rights for women because I know what women had to put up with.” – Evita Peron

“Men, their rights, and nothing more; women, their rights, and nothing less.” – Susan B. Anthony

Sipi mula sa Bustle.com

True equality means holding everyone accountable in the same way, regardless of race, gender, faith, ethnicity – or political ideology. – Monica Crowley


Any serious shift towards more sustainable societies has to include gender equality. – Helen Clark

You just wish sometimes that people would treat you like a human being rather than seeing your gender first and who you are second. – Frances O’Grady

Mula sa Brainy Quotes

Advertisements

Araw ng Kababaihan

Muling pagbabahagi…..

women3

women1Hummmm dati kapag ganitong panahon ay kuntodo na ang paghahanda namin ng aking mga kasama sa kumite ng kababaihan para sa nalalapit na “Araw ng kababaihan” o International Women’s Day. Nag-iisip na kami ng mga pautot na maitatagos sa halos 3000 naming miyembro ng unyon. Nandiyan yung design na parang duster o kaya yung women symbol na bilog at me krus, kung saan ay may nakalagay na “Mabuhay ang Araw ng Kababaihan” Marso 8. At isang kulay lang ang aming ginagamit, ang kulay lila o violet na siyang kulay ng kababaihan. (hindi ko na ikukwento kung bakit lila ang kulay hehe medyo sensored e) Ilang taon ding umikot ang buhay ko sa ganoon maliban pa sa pagbibigay ng mga women orientation.

women2Pero ngayon ay isang babaunin ko na lang na alaala ang lahat. Kasabay ng pagreretired ko (early po at di optional hehe) ay kasama na din nitong isinuko ang pagsasaalang alang sa kumite ng kababaihang siya kong hawak noon sa aming unyon.

Madaming kalakip na nakakatuwa at higit sa lahat ay makasunog batok na karanasan ang bawat pagdiriwang namin sa araw na ito. Kung wala kami sa salakot sa Angeles ay nasa sentro kami mismo ng Angeles. At kung malawakan ang rali ay tiyak nasa Mendiola kami kahanay sina Liza Maza.

May masarap na alaala ako sa aleng iyon e, isang alaalang siyang nagpataas ng moral sa akin. Hindi pa siya kongresista nun, siya pa ang Secretary General ng Gabriela at naimbitahan kami sa isang seminar sa isang unibersidad sa QC. Kumbakit kapag naroroon ako sa ganoong pagtitipon, hindi uubrang di ako magsalita at maglahad ng kalagayan ng kababaihan sa aming lalawigan. Ang topic (tandang tanda ko pa) ay malawakang kontraktwalisasyon. Bawat isang representative ay binigyan ng pagkakataong maglahad ng kaugnay na kalagayan. E sa dami ng mga nauna sa akin halos lahat ay nasabi na yata.

women4Pakwela ng konti, hindi ko namamalayang lumalalim na pala ang aking reporting at natutumbok na nito ang maseselang isyung me kaugnayan sa topic. Nagulat na lang ako ng matapos akong magsalita ay isang malakas na palakpak ang aking narinig at binigyan ako ng standing ovation ng mga naroon sa pangunguna ni Ka Lisa. Ang sabi niya ‘Akala ko ba wala ka ng masasabi” sabay lapit at kamay ng mahigpit sa akin.

Wow! sarap ng pakiramdam. Iyon ang iilang pagkakataong mararamdaman mong tama ang iyong mga ginawa. Saan man kami magkasalubong nina Ka Lisa, kahit ngayong di na ako bahagi ng organisasyon ay nararamdaman ko pa din ang init ng kanyang pagbati.

women5Kilala ang aming komite noon, di lang sa central luzon kundi maging sa National. Walang rali na di kami nagtatanghal, aktibo ang lahat ng aking miyembro sa pangangalaga ko. Nasubukan ko maging singer, skit writer, direktor at tagatanghal ng panahong iyon. Malalim ang pagpapahalaga ko sa kababaihan, hindi lang dahil kabilang ako dito, kundi sa maraming mga karahasang buhay na dinaranas ng kababaihan sa buong mundo. Ang opresyon, incest, karahasang sexual, diskriminasyon ay ilan lamang sa mga ito.

Nawala man ako sa organisasyon, di man ako kabilang na sa mga rali, ang tinitiyak ko lang, hindi kailanman mapapagpag ng pananahimik ko ngayon ang lalim ng pagyakap sa simulaing inilaan ko sa kababaihan.

Mabuhay ang Araw ng Kababaihan, Mabuhay ang kababaihan. BOW!

Manggagawa at hindi alipin

Mayo uno na naman at depende sa kung sino ang titingin upang ito ay tukuyin bilang Araw ng Manggagawa ba o pistang dagat.

Paano ko ba malilimot ang araw na iyan, sa kung gaano katagal na panahong ako ay naging manggagawa at aktibista ay hindi kailanman kami naglublob sa dagat sa araw na iyan para ipagdiwang ang pistang dagat, kundi naroon sa mga rally at nagpapaitim ng batok at nagsusunog ng balat upang isigaw sa lansangan ang mga hinaing ng manggagawa.

“Itaas ang Sahod, P125!” Philippines May Day Protests

“Presyo Ibaba!”

“Ang Tao ang Bayan ngayon ay lumalaban!”

grabe tagaktak na ang pawis sa likuran ko, pakipalit naman po ung towellete.

“Double time!, double time!” kapag nasa may tulay o intersection.

Habang naroon ang sangkaterbang militar na akala mo ay susugod sa isang labanan, samantalang ang kanilang “binabantayan” ay tanging plakard lang at streamer ang dala.

rally-2“Nagrarally pa kayo wala namang nangyayari.” mga paismid na komentong madalas naming marinig mula sa mga di mulat na mamamayan.

Hindi pwedeng maliitin ang ginagawang ito ng mga manggagawa at mamamayan, kasi ang mga bagay na di makalampag sa kongreso ay napakalawak ng lansangan upang magpaabot ng tunay na kalagayan, hindi man sa de aircon na lugar ng mga pinagpalang iilang pulitiko.

Nakita na sa kasaysayan ang mga pagbabagong nagagawa ng pagsasama-sama sa iisang layunin ng pagmumulat. Edsa 1 at Edsa 2 sa mga tila nagkaamnesiang recipients ng pagbabagong ito.

Ngayon sa tumitinding dagok ng krisis pang-ekonomiya, bumukas ang pagsasamantala sa mga kapitalistang humahanap lang ng butas upang di makapagtaas ng sahod. Nalulugi daw ang kumpanya. Ang lugi sa kanila ay iba sa lugi nating maliliit. Tayo kapag nagalaw na ang prinsipal at hirap ng ibalik, iyon nga nalulugi na. Sa kanila kapag ang 100 milyong kinita sa nakaraang taon ay 100 milyon pa rin ngayong taon, yun lugi na daw. Lugi sa pagkamal ng malaking tubo.

Ilang panahon na din akong wala sa lansangan, hindi man masasabing tuluyan ng bumitiw sa dating nakamulatan, ito ay pagisisimula lang ng pagtuklas ng ibang larangan.

Napakaraming itinuro ng lansangan sa akin, sa paghubog ng aking pagkatao at sa talas ng pagsusuri. Mga aral na kailanman ay hindi matutunan sa loob lang ng paaralan.

Walang palasyo ang mga hari kung walang manggagawang nagtayo nito. Walang kabihasnan na hindi hinubog ng mga manggagawa. Hindi tayo aliping sahuran. Tayo ang bumubuo ng mayoryang bahagi ng mamamayan kaya dapat lang na tayo ay mapakinggan.

Mabuhay ang uring anakpawis!

Human’s right is worker’s right.