Sa unang bahagi ay ang kanyang pagtalakay sa pandaigdigang krisis kung saan ay binanggit niyang milyon-milyong ang nawalan ng trabaho sa buong mundo pero hindi raw ito nagging dahilan upang Pilipinas ay mawalan ng pokus at manatiling matatag.
Hindi maikakailang sa bawat paglalahad niya ng mga accomplishment ay ang patama kaliwa at kanan sa kanyang mga kritiko.
Higit sa lahat ang layunin ng ating mga patakaran ay tulungan ang masipag na karaniwang Pilipino. New tax revenues were put in place to help pay for better healthcare, more roads, a strong education system. Housing policies were designed to lift up our poorest citizens so they can live and raise a family with dignity. Ang ating mga puhunan sa agrikultura ay naglalayong kilalanin ang ating mga magsasaka bilang backbone ng ating bansa, at bigyan sila ng mga modernong kagamitan to feed our nation and feed their own family.
Sa telecommunications naman, inatasan ko ang Telecommunications Commission na kumilos na tungkol sa mga sumbong na dropped calls at mga nawawalang load sa cellphone. We need to amend the Commonwealth-era Public Service Law. And we need to do it now….
Sa pagpapamahagi ng milyun-milyong ektaryang lupa, 700,000 na katutubo at mahigit isang milyong benepisyaryo ng CARP ay taas-noong may-ari na ng sariling lupa. Hinihiling ko sa Kongreso na ipasa agad ang pagpapalawig ng CARP, at dapat ma-condone ang P42 billion na land reform liabilities dahil 18% lamang ang nabayaran mula 1972. Napapanahon dahil it will unfreeze the rural property market. Ang mahal kong ama ang nag-emancipate ng mga magsasaka. Ii-mancipate naman natin ngayon ang titulo….
Nakinabang ang pitong milyong entrepreneurs sa P165 billion na microfinance. Nakinabang ang 1,000 sa economic resiliency plan. Kasama natin ngayon ang isa sa kanila, si Gigi Gabiola. Dating household service worker sa Dubai, ngayon siya ay nagtatrabaho sa DOLE. Good luck, Gigi…
Our average inflation is the lowest since 1966. Last June, it dropped to 1.5%. Paano nakamit ito? Proper policies lowered interest rates, which lowered costs to business and consumers.
Dahil sa ating mga reporma, nakaya nating mamuhunan sa pagkain—anticipating an unexpected global food crisis. Nakagawa tayo ng libu-libong kilometro ng farm-to-market roads at kasama ng pribadong sector, natubigan ang dalawang milyong ektarya. Mga Badjao gaya ni Tarnati Dannawi ay tinuruan ng modernong mariculture. Umabot na sa P180,000 ang kinita niya mula noong nakaraang taon. Congratulations, Tarnati. We will help more fisherfolk shift to fish farming with a budget of P1 billion…
Sa Rent Control Law ng 2005 hanggang 2008, hanggang sampung porsyento lang maaaring itaas taon-taon ang upa. Iyong kakapirma nating batas naglagay ng isang taong moratorium, tapos pitong porsyento lang ang maaaring itaas. Salamat, Kongreso….
Ilan lamang po ito sa mahaba-habang listahan ng talumpati ni PGMA.
Ang tanong… sang-ayon ba kayo sa laman nito o may madugo kayong pagtutol? Magbigay po lamang ng komento.
Siyam na taong pagkakaluklok sa pwesto, bukas ay ang “huling” SONA (State of the Nation Address) o pag-uulat sa bayan ni GMA. Marami ang nagtataas ng kilay sa magiging resulta ng ulat na ito, dahil ilang panahon na din namang napatunayan na maraming “niluto” na ulat ang pangulo upang mapabango at mapaganda lang ang sasabihin sa bayan. Napakaraming mga pangako ang hindi natupad, lumala ang kahirapan at kawalan ng trabaho. Pananahimik sa isyu ng anomalya kapag ang pamilya ang sangkot ngunit ang tahimik at patuloy pa ding pagkaladkad sa isyu ng CHA-CHA o charter change ay patuloy pa ding itinutulak.
Hindi na masisisi ang sambayanan, dahil ang barometro ng mamamayan ay hindi ang kung ano pa mang pangako o magagandang ulat kundi ang paminggalang madalas ay walang maisaing at tiyang kumakalam. Huwag nating pagtaasan ng kilay ang ginagawang sakripisyo ng mamamayan at mga manggagawang 6 na araw ng naglalakad galing sa timog katagalugan (Southern Tagalog region) upang maipakita lang kung anong laki ng pagtutol nila sa panunungkulan ni GMA. Pagod, gutom, sakit ng katawan ang inaabot ng mga taong ito na nagpakita ng lakas ng loob at katatagan upang hantaran lang na ilantad ang pagtutol. Inuulan at inaarawan ngunit bale wala ang lahat ng ito.
Satiriko ng buhay 