A-Maze-ing Sunflower

img20170224070238

Ang A-Maze-ing Sunflower ay pormal na nagbukas noon Pebrero 17, 207 at ayon sa mga katiwala doon ay magtatagal lamang ng isang buwan.

Isang kaaya-ayang naninilaw na taniman ng Sunflower ang makikitang mayabang na namumukadkad at lahat halos ng mga bulaklak ay buong pagmamalaking nakatingala kung saan naroon ang sinag ng araw. Sa aking malikot na imahinasyon ay para ko silang nakikitang tila mga sundalo na matitikas na nakaharap sa kanilang Pinuno at naghihintay ng anumang kautusan at buong pusong magsisisunod.

This slideshow requires JavaScript.

Ang kabuuan ng taniman nito ay isang Maze (malinaw naman ito sa kanyang pangalan 🙂 ) at di kumpleto ang pagpunta mo dito ng di mo daraanan ang maze na ito.

This slideshow requires JavaScript.

Matatagpuan din doon ang iba’t ibang herbs, gulay at mga bulaklak, nakakatuwa ang pagkalalaking upo, ampalaya, patola at iba pa. Maging ang ibang variety ng mais (kulay violet) at iba pang pananim ay inyo ding matatagpuan.

This slideshow requires JavaScript.

Isa sa nagustuhan ko doon ay ang hydroponics na paraan ng pagtatanim ng lettuce at ito ang nagtulak sa akin na bumili ng ilang sachet ng buto ng lettuce….balak kong subukan ang paraang ito sa mga susunod na araw.

This slideshow requires JavaScript.

Detalye kung paano makakapunta
Ang A-Maze-ing Sunflower ay makikita sa C.Lichauco, Tayug, Pangasinan.

Kung paano makakarating dito ay mababasa sa susunod na bahagi.
Mula sa Allied Botanical Corp.

Kapag walang masakyang deretsong Tayug, bumaba sa may SM Rosales at sumakay ng van.

Pamasahe: P50

Bumaba sa 7/11 Sta Maria at mula doon ay sasakay ng tricycle hanggang sa mismong lugar.

Pamasahe: P120- P150 depende sa oras ng biyahe, mas mahal kung masyado pang maaga.

Kung mapapaaga naman (gaya ng nangyari sa amin) at wala pang masakyan sa SM, Rosales, maaaring sumakay sa tricycle mula doon at idederetso ka na sa mismong lugar.
Pamasahe: P300-P350 (per larga)

This slideshow requires JavaScript.

Ang A-Maze-ing Sunflower ay bukas mula ika-7 ng umaga hanggang ika-5 ng hapon.

Ang entrance fee naman ay:
P100 – adults
P80 – PWD, Senior Citizens at estudyante.

This slideshow requires JavaScript.

Meron din silang mga booths para sa kanilang mga ani na ibinebenta at sa mga nagugutom at kailangan ng meryenda.

Halina at mag-enjoy!

Hacienda Luisita Massacre (12th year)

dsc06812

Hindi ko lubos maisip kung bakit ang simpleng manggagawang bukid
Kasama ng mga anak na kumakalam ang tiyan
Ay pakainin ng bala ng mga lapastangan.
Kailan pa naging sagot sa kagutuman ang tingga?
Kailan pa na ang paghahangad ng kaunting maayos na buhay
Ang kailangang maging kapalit ay pagpantay ng mga paa
At paghimlay sa isang mumurahing ataul?

Parang kailan lang at akin pang nauulinigan
Ang ratatat ng mga baril, mga panaghoy, mga hiyawan
Parang mga dagang binulabog sa tirahan
Kanya-kanyang takbo, kanya-kanyang pulasan
Kanya kanyang dampot sa mga anak
Kanya kanyang tago at lublob sa putikan
Makatakas lang sa nagngangalit na kamatayan.
Natapos ang alingawngaw ng mga sandata
Ang natira na lang sa lupa ay mga tsinelas at katawan
Katawang hinubdan na ng buhay, duguan, nakahandusay
Kasabay ng mga palahaw at umaalimpuyong galit
Mula sa mga magulang na inagawan ng mga anak…
Mula sa mga anak na inagawan ng mga magulang…

Mula sa mga kasamang nakikipaglaban
Laban sa panginoong maylupang ganid at gahaman.Walang nanagot sa katampalasanan
Ngayon pa kayang naluklok sa poder ang pangunahing angkan
Patuloy na lang ba tayong sisigaw ng katarungan
Kahit naghuhumiyaw ang mga salarin at patuloy sa pangangamkam
Lupa, kapirasong lupa lang ang kanilang isinisigaw
Lupang pagkukunan nila ng tiyak na ikabubuhay
Hindi lupang paghuhukayan ng kanilang libingan.Lupa hindi bala!
Katarungan sa Hacienda Luisita Massacre!

Isang pag-alaala sa ika-12 taon ng madugong Hacienda Luisita Massacre…para sa mga bayaning di nabigyan ng katarungan…

Nobyembre 16, 2004

Pagtatanghal na ginawa ng iba’t ibang grupo sa Tarlac Provincial Capitol Grounds.

This slideshow requires JavaScript.

PRCNF First Aid Training (Red Cross 143 Volunteers)

Isa na namang makabuluhang pagsasanay ang aking nadaluhan at natapos ngayong araw na ito.

Ito ang Health and First Aid  traning na isinagawa ng mga tauhan at namumuno sa Philippines Red Cross National Federation para sa komunidad at motorcycle riders.

This slideshow requires JavaScript.

Sa dalawang araw na pagsasanay at ituturo sa liglig na paraan ang mga basic first aid training manual man at actual. Ang pagsasanay ay sa pamumuno ni Ginong Alvin Ustare at pakikipag-ugnayan ng mga riders at ni Berong.

At dahil sa mayorya pa din ang mga kalalakihan sa pagsasanay na ito ay asahan na ang mga kulitan at berdeng pagpapatawa na ginagawa nilang pampagising sa oras ng lecture…hindi man ako sang-ayon dito ay nakisakay na lang ako at itinuring na biro lang ang lahat.

This slideshow requires JavaScript.

At sino ang makakalimot sa aming paboritong pantanggal antok….hala bira

Mawawala ba ang maganang pananghaliang aming pinagsaluhan sa dalawang araw….umaatikabong boodle fight…

Unang araw ay halo halong gulay, pritong boneless bangus at chicharong baboy…at sa pangalawang araw ay ang adobo rice boodle fight…hirap tumayong hindi ka talaga busog na busog…burppp…ay excuse me po.

This slideshow requires JavaScript.

Pagdating sa aktwal na pagsasanay ay itinuro ang tamang paggamit ng triangular bandage sa maraming kaparaanan. Mula sa tamang pagbubuhol at pagtatali nito sa mga sugat hanggang sa maging  sling sa pagkakataon ng pilay o bali sa braso.

This slideshow requires JavaScript.

Itinuro din ang tamang pagsasagawa ng CPR (cardiopulmonary resuscitation)

This slideshow requires JavaScript.

Mga tamang pagbubuhat ng isahan, dalawahan o maging grupo man sa mga biktima.

This slideshow requires JavaScript.

At ang madugo sa lahat….ang aktwal na training sa mga responder (kami yun) para sa iba’t ibang biktima ng sakuna. Lahat ay gumampan ng iba’t ibang takdang gawain at isa ako sa nagdokumento.

This slideshow requires JavaScript.

Nakakataba din naman ng pusong marinig mula sa trainor pagkatapos naming magsalita at magpaliwanag sa mga naging paggampan (bahagi ng assessment) na alam ko daw kung bakit ako naroroon at nagampanan ko iyon, sa kabila man ng mga ilang kakulangan ako na din ang nakapuna.

At ang pagtatapos….dyaran!

img20161113173523 img20161113173531 img20161113174656

Belenismo ng Tarlac (AFP entry)

edited-11

Nagsimula ng taong 2007 (ayon sa Inquirer.net) sa pangunguna ni Dra. Isa Cojaungco Suntay at ng kanyang butihing ina na si Isabel. Pagkatapos ng tatlong taong patuloy na paghohost ng Belenismo (Nativity scene) ng lalawigan ng Tarlac, idineklara ng Department of Tourism ang lalawigang ito bilang “Belen Capital Of The Philippines.”

Isang pangyayaring naging taunan ng kinasabikan at inabangan kapag dumarating ang panahon ng Kapaskuhan. Nilalahukan ito ng mga munisipalidad at mga indibidwal na establisimyento. Ang naturang event ay may 4 kategorya, ang Church, Monumental, Municipal at Non-Municipal (ayon sa Philstar.com).

Sa nakaraang 2 taon, ang lahok na mula sa AFP ng Kampo Heneral Servillano Aquino ang nagwagi sa kategoryang Monumental.

camp-aquino-belen-2014-edited

camp-aquino-belen-2015-edited

At sa taong ito, muling inaasahan sa ikatlong pagkakataon na kanilang masusungkit ang panalo at maaaring magluklok sa kanila bilang Hall of Famer.

Ayon sa aming bubwit, 40 araw itong nilikha ng 70 katao. Hala nga mga mambabasa, kayo ang humusga kung sa inyong palagay ba, ang lahok na ito ang mangunguna….The pride of AFP and people of San Miguel, Tarlac…

2016-afp-entry

Mawawala ba naman ang pagbabasbas

edited-2

at ang mga pangkulturang pagtatanghal mula sa mga estudyante ng Tarlac State University

This slideshow requires JavaScript.

At syempre pa…ang fireworks!

This slideshow requires JavaScript.

Hanggang sa susunod na pagbabahagi…(pagkatapos naming mabisita ang iba pang kalahok)

Batch 22 Marikit RG Community Safety Training

logos

Isang imbitasyon ang aking nakuha para dumalo sa RG Community safety training…unang beses akong makakadalo at wala akong idea…di ko alam na outdoor activity yun, di ako handa kaya ayun tostadong batok at pisngi inabot haha.

Ang Tagpuan

This slideshow requires JavaScript.

Ang venue ay sa Green Meadows Subdivision sa Paniqui Tarlac. Napakaganda ng lugar para sa pagsasanay…malawak at ang mga daan ay angkop na angkop sa aktwal na pagsasanay.

This slideshow requires JavaScript.

Safety Training mula sa Founder ng RG

Ang unang bahagi ng pagsasanay ay ang safety training and tips mula kay Sir Martin Misa. Nakakaaliw siyang magpaliwanag, malinaw at makatotohanan. Kaya niyang kunin ang atensiyon ng mga participants kahit pa sa kritikal na oras (11 to past 1 PM).

This slideshow requires JavaScript.

Tinalakay niya ang kahalagahan ng isang responsableng riders. Mga prinsipyo at mga pagbabahagi ng kaalamang kahit na ang mga datihang riders ay hindi pa gagap.

Pagsasanay sa tirik na araw

Pagkatapos ng pananghalian ay ang aktwal na pagsasanay. Hinati sa 15 grupo ang 562 kabuuang participants at nagkanya kanyang lugar sila para sa pagsasanay. Dahil na din sa pakikipagtulungan at suporta ng mga RGs ay nagabayan ang mga grupo sa dapat na gawin.

This slideshow requires JavaScript.

4 na obstacle course ang pagdadaanan ng bawat isang aspirants. 2 set ng obstacle course na ang una ay solo ride at ikalawa ay me angkas sa bawat set. Hindi ito madali para sa lahat…kahit ang mga mukhang sanay na sa pagsakay sa motorsiklo ay sumasablay pa din lalo na yung mga big bikes.

Humigit kumulang 20 lang siguro sa kabuuan ang dumalong lady riders…napakaliit pang bilang kung tutuusin pero maganda ng pasimula.

Ang aking partner sa angkasan…si Jameson. Ang kagustuhan niyang magkaroon ng dreadlock na buhok ay idinaan na lang sa kanyang helmet.

img20161023160115 img20161023160122

Mawawala ba ang mga tusok tusok?

Sa layo ng pinanggalingan ng mga riders, tiyak ang gutom na inabot ng mga ito at salamat sa mga maaagap na riders din na piniling magtinda na muna ng makakain kaysa makadalo ng training sa ngayon.

This slideshow requires JavaScript.

Pritong manok, calamares, dynamite, shanghai, fishballs, kikiam, hotdogs, pansit at mga nakapack na ulam at kanin. Pero ang best sellers ay ang mga softdrinks at yosi ahoooo.

Napakaganda ng naging pagbati sa akin ng mga kasamang ito…hindi ko na sila mamukhaan pero sila ang mga nakasama ko sa Natividad… unang long ride na naranasan ko.

Sayang at di ko nakunan ang napakasayang kaway nila ng mamukhaan ako….ay si blogger…ang sabi ng isa hahaha.

Inabot ng pasado ika-7 na ng gabi ng matapos ang pagsasanay at magsimula ng magsiuwi ang mga dumalo.

Mula sa Batch 22 Marikit Group 9 #24 saludo ako sa inyo at sana makadalo ako ng mga pagsasanay pa para sa emergency.

Hanggang sa muling pagsasama-sama Ahooooh! Ahoooooh!

 

Independence Day Unity Ride

IMG20160612100002

First time kong nakasama sa unity ride at ngayong Independence Day 2016 ay nalahukan ito ng hindi bababa sa 20 grupo ng mga motorcycle riders sa Tarlac.

This slideshow requires JavaScript.

Ang meet up ay sa Mt. Zion San Miguel, Tarlac at dumulo sa Tarlac Recreational Park sa San Jose.

This slideshow requires JavaScript.

Nagkaroon ng pagkakataon ang bawat grupo na magpakilala sa nasabing pagtitipon.

IMG20160612093306

IMG20160612092838

At siyempre pa, nagtapos ito sa picture taking ….

This slideshow requires JavaScript.

Hanggang sa muling pag-arangkada ng motorsiklo….!

Halina at bisitahin ang Dabaw (Day 2)

Ang ikalawang araw ng Davao escapades…

Nagkuhanan muna ng letrato sa kwartong aming tinuluyan…Jade Dragon’s Suites na nasa Aurora, Jacinto Street, napakalapit sa night market.

This slideshow requires JavaScript.

Eden Nature Park

Isa ito sa pinakapopular na lugar sa Davao….yung tipong kulang ang punta mo dun kundi mo ito mabibisita. Medyo may kamahalan ang entrance fee na kasama naman ang isang buffet lunch o plated snack. Hindi na kami nakahabol sa buffet lunch dahil mahigil na 500 na daw ang bisita ng panahong iyon at nag cut off na. Kaya sa plated snack na lang kami umabot.

IMG20160514114711

Matagal pa lang ay iniisip ko ng sumakay sa Sky Cycle nila at ang malupit, nang makita ko kung gaano kataas yun ay parang nangalog ang tuhod ko…Ang tagal na kundisyunan muna bago natuloy, kundi pa sinabi ni Ateng Pining na gusto niyang subukan baka di pa kami tumayo at bumili ng tiket.

Pinapanood pa lang namin yung nasa Sky Swing ay lulang lula na ako…unti – unting itinataas yung mga nakasakay hanggang sa taas na halos 4 na palapag…mas mataas pa kaysa sa Sky Cycle. Pagkatapos ay biglang ire-release yung swing…nakupo nanonood pa lang ay parang mapupugto na hininga ko.

Okay, tuloy ang kwento ng Sky Cycle. Nagsabi ng susubok e di kailangang samahan.

Pipirma muna ng waiver ang bawat isa pagkatapos ay susuutan ng harness at maghihintay ng iyong turn para siya namang sumalang sa ere.

IMG20160514135408

Pinangahasan ko ng hawakan ang selfie stick, narito na ito e di kunan na ng video. Kita ko namang nag iisang kamay lang yung mga nagbibisikleta at paselfie- selfie pa.

Pero iba na pala kapag ikaw na ang nakasalang. Sobrang kabog ng dibdib ko na ang tangi na lang naririnig ay ang sariling tibok…walang pakialaman at ang mahalaga lang ay huwag mabitiwan ang selfie stick kaya kahit tabingi ang kuha ay keri na day!

Ikaw din ang magbabalik sa sarili mo at sa pagbabalik ay di na ako nagvideo…kailangang isalba ko na ang buhay ko hahaha kaya dapat ay hawak ng maigi ang manibela.

Dalawang beses kong sinubukang tumingin sa ibaba pero para akong magkukulaps sa lula…whew! buwis buhay talaga. Ni hindi ko na narinig yung isang kasama namin na nagtatawag na pala ng kasama sa kalagitnaan ng pagbibisikleta dahil tumirik pala siya (as if me magagawa kami para siya tulungan huhu). Tapos ay nagdarasal na pala itong aking pinsan at nagtatawag na ng Santo dahil sa nerbiyos haha. ako naman???well pakinggan niyo ang video at malalaman ninyong pumipiyok na ako sa nerbiyos.

This slideshow requires JavaScript.

Nairasos din sa wakas, TAGUMPAY!

 

Entrance Fee

P550 buffet lunch

P220 Plated snack (spaghetti or cheese bread, brownies and drink)

Rides

Sky Cycle – P200

Sky Swing – P200/pax (pair)

P250 (single)

Zip line – P150

****Senior citizen rate applied

Crocodile Park

Akala ko ay simpleng crocodile sanctuary lang ito pero kapag pala weekend ay may mga palabas.

Naabutan na naming nagsisimula ang Animal Got Talent Show (4:00 ng hapon ang simula mula sa dating 4:30)

Nakakatuwang makita kahit kailan ang mga hayop na nagpapakitang gilas sa kanilang talento, mga ibong nagbabasketball, nagbibisikleta at nag scooter. Marunong pang maghiwalay ng mga basurang nabubulok at hindi nabubulok…saan ka pa hehe.

This slideshow requires JavaScript.

Mga unggoy na nagbabasketball.

Si Orange na nagpapacute lang pero nakakaaliw talaga.

Naroon din ang tigreng ipinakikita kung gaano katalas pagdating sa kanyang pagkain.

Mga buwayang nagsasayaw ng belly dance (habang hinahabol ang nakasabit nilang pagkain)

at ang highlight ng pagtatanghal…ang fire dance ng Tribu K’ Mindanawan. Nakakaaliw ang kanilang pagtatanghal sa paggamit ng iba’t ibang klase ng apoy. Protektado sila sa mata at buhok pati na ang damit ng ilan ay fire proof din.

Napakagandang pagtatapos ng gabi para sa araw na ito.

 

Entrance fee

P300 (weekend rate)

P250 (weekdays rate)

****Senior citizen rate applied

 

Narito ang unang araw sa Davao

Samahan ninyo kaming muli sa ikatlong araw sa Davao.